🔴Li dijî şarederiyên CHP’ê, oprasyonên girtin û binçavkirinan dewam dikin. Li dijî Serdozgeriya Komarê ya Îzmîrê, cîgirê şaredarê Şaredariya Seferîhîsarê Gokhan Pehlîvan jî di nav de, 5 kes hatin girtin.
Operasyonên binçavkirin û girtinê li dijî şaredariyên CHP’ê bê navber didomin.
Di çarçoveya lêpirsîna “bertîlê” ya Serdozgeriya Komarê ya Îzmîrê de, cîgirê şaredarê Şaredariya Seferîhîsarê Gokhan Pehlîvan jî di nav de, 5 kes hatin girtin.
Her wiha rayedarên firmaya avahîsaziyê û hin peywirdarên cemaweriyê jî di nav de, 8 kes hatin binçavkirin.
Piştî karên îfadeya li emniyetê, kesek hat berdan û 7 kes bi daxwaza girtinê sewqî dadgehê hatin kirin.
Piştî îfadeya li dadgeriyê, Pehlîvan û 5 kes hatin girtin û kesek jî bi mercê kontrola edlî hat berdan.
Her wiha duh li dijî Şaredariyên Adalarê ya Stenbolê û Sîlîfke ya Mêrsînê operasyon hatin lidarxistin.
Di çarçoveya lêpirsînê de ku Serdozgeriya Komarê ya Stenbolê daye destpêkirin, bi angaşta ‘‘bertîlê’’ ku li Şaredariya Ada-larê çêbûye, der barê 47 kesan de biryara binçavkirinê hat dayîn.
Serokê Şaredariyê Alî Ercan Akpolat û Mustafa Turgut jî di nav de, 41 kes hatin binçavkirin.
/Çawkani: nucetv.net/
