🔴Duh Şandeyeke Neteweyên Yekbûyî serdana Siweydayê kir û bi Hikmet Hicrî re mijara ezmûnên xwendekaran nîqaş kir. Nivîsgeha NY ya li Sûriyê ragihand ku…

Leşkerekî Amerîkayê û leşkerekî Brîtanyayê li Hewlêrê mirin. Li gorî agahiyan, di dema rahênanên leşkerî yên li Baregeha Asmanî ya Hewlêrê de qezayek çêbûye. Di vê bûyerê de leşkerekî Amerîkayê û leşkerekî Brîtanyayê mirine. Heta niha rayedarên leşkerî yên her du welatan hûrgiliyên li ser çawaniya bûyerê eşkere nekirine lê wan ragihand ku lêpirsînê dest pê kiriye. Artêşa Amerîkayê li ser tora civakî ya Xê daxuyaniyek belav kir. Di daxuyaniyê de hat diyarkirin ku bûyer roja yekşemê (31ê Gulanê) di dema rahênaneke hevbeş a li Baregeha Asmanî ya Hewlêrê de qewimiye. Di daxuyaniyê de ev tişt hatin gotin: “Rahênan bi hevparên me yên Artêşa Brîtanyayê re hat kirin ku leşkerekî wan jî mir. Lêpirsîna li ser bûyerê didome.” Nasnameyên wan niha nayên eşkerekirin Artêşa Amerîkayê eşkere kir ku heya 24 demjimêr di ser agahdarkirina malbata wî re derbas nebin ew dê nasnameya leşkerê mirî eşkere nekin. Li aliyê din, Wezareta Parastinê ya Brîtanyayê di daxuyaniyeke cuda de piştrast kir ku wan malbata leşkerê xwe agahdar kiriye. Wezaretê destnîşan kir ku beriya belavkirina hûrgiliyên zêdetir wan daxwaza “destûreke demkî” kiriye. Amerîka hêzên xwe kêm dike Divê were gotin ku Amerîka mijûlî kêmkirina hejmara wan hêzên xwe ye ku li Îraqê li dijî DAIŞê alîkariya hêzên xwecihî dikin. Lê li gel vê yekê jî hêzên Amerîkayê li Herêma Kurdistanê mane. Amerîkayê wekî nîşana berdewamiya wê pêwendiya stratejîk û dîplomatîk a di navbera Washington û Hewlêrê de meha kanûna pêşîn a borî konsulxaneya xwe ya herî mezin li Hewlêra paytexta Herêma Kurdistanê vekir. /Çawkani: Rûdaw/

 Li gorî agahiyên endamekî serkirdayetiya Komeleya Zehmetkêşên Kurdistanê, îşev bi du mûşekan êrişî baregehên wan ên li Dola Alaneyê ya li Îdareya Serbixwe ya Soranê hat kirin. Endamê Serkirdayetiya Komeleya Zehmetkêşên Kurdistanê Emced Husên Penahî ji Tora Medyayî ya Rûdawê re axivî û ragihand: “Îşev demjimêr 23:00an bi 2 mûşekan êrişî baregehên Komeleya Zehmetkêşên Kurdistanê yên li Dola Alaneyê hat kirin.” Husên Penahî diyar kir ku ev êriş di çarçoveya berdewamiya êrişên Komara Îslamî ya Îranê yên li baregehên Komeleyê de ye. Zererên madî çêbûn Emced Husên Penahî da zanîn ku di êrişê de kes nemiriye û tenê zererên madî çêbûne. Penahî li ser hejmara giştî ya êrişan jî ev amar dan: “Komara Îslamî ya Îranê ji destpêka şerê xwe yê li gel Amerîka û Îsraîlê ve, bi zêdetirî 82 mûşek û dronan baregehên Komeleya me kir armanc.”   /Çawkani: Rûdaw/