NÛPEL – Amedspor, di hefteya beriya dawî ya Trendyol 1. Lîgê de, bi encamên balkêş derket rêza duyemîn û derî ji bo Lîga Super (Super Lig) vekir. Her çend Amedsporê di lîstika xwe ya dawî de xal winda kiribin jî, têkçûna reqîbê wê yê herî mezin derfeta şampiyoniyê anî ber deriyê tîma Amedê.
Li Yarîgeha Amedê Heyecan û Fedakarî
Amedspor di hefteya 37’an de li qada xwe û li pêşberî alîgirên xwe derket qadê. Di maçê de ji ber qertekî sor Bodrumspor neçar ma ku hema bêje hemû lîstikê bi 10 kesan bidomîne. Tevî vê kêmasiyê jî, Amedsporê bi ser neket û maç bi wekheviya 1-1 bi dawî bû.
Reqîbê Amedsporê Erokspor Têk Çû
Di heman demê de çavê alîgirên Amedsporê li maça reqîbê wan, Esenler Eroksporê bû. Erokspor çû mêvantiya tîma Sariyerê ku teknîkdîrektorê wê yê nû, rahênerê berê yê Amedsporê Servet Çetin e. Sariyerê bi encama 1-0 Erokspor têk bir û bi vê encamê rê li ber Amedsporê vebû.
Amedspor Bi Averajê Di Rêza Duyem de Ye
Bi van encaman re Amedsporê xalên xwe derxist 73’an û bi saya averajê di rêza duyem de cih girt. Niha her tişt bi maça hefteya dawî ve girêdayî ye.
Fînala Mezin: Iğdir FK – Amedspor
Di hefteya dawî ya lîgê de wê Amedspor li derveyî qada xwe bi tîma Iğdir FK re bilîze.
Heke Amedspor bi ser bikeve: Bêyî ku li encama maçên din binêre, rasterast hildikişe Lîga Super.
Reqîbê din: Esenler Erokspor jî wê li qada xwe bi Pendiksporê re bilîze.
