NÛPEL – Arjantînê, di maça xwe ya ewil a di Kûpaya Cîhanê ya FIFA 2026’an de, Cezayîr bi golên Lionel Messi 3-0 têk bir.
Di Koma J ya Kûpaya Cîhanê ya FIFA 2026’an de, Arjantîn û Cezayîr hatin hemberî hev.
Tangoçî (Arjantîn), yên ku dixwestin bi serkeftinê dest bi tûrnûvayê bikin, di maça ku Lionel Messi lê stêrka xwe geş kir de, Cezayîr 3-0 têk birin.
LIONEL MESSI SKOR VEKIR
Di deqîqeya 17’an a pêşbirkê de, Lionel Messi yê ku bi pasê Rodrigo de Paul li derveyî qada cezayê bi topê re bû, bi şuteke hêja Arjantîn 1-0 xist pêş. Di beşa mayî ya nîveka ewil de, Arjantîn aliyê ku zêdetir top di lingê wî de bû. Cezayîr jî xwest bi êrîşên bilez bibandor bibe. Di deqîqeya 40’an de, di şuta Bentaleb de golparêz Martinez destûr neda golê.
45 deqîqeyên ewil bi serdestiya Arjantînê ya 1-0 bi dawî bû.
MESSI BÛ HEVPARÊ REKORÊ
Arjantînê ya ku nîveka duyem jî bi bandor dest pê kir, di deqîqeya 60’an de ferq kir du. Lionel Messi yê ku topa ji golparêz vegeriya baş şopand, skor anî 2-0.
Di deqîqeya 76’an de Messi careke din derket pêş û bi kirina hat-trickê Arjantîn 3-0 xist pêş. Bi vê golê re, Messi hejmara golên xwe yên di dîroka Kûpaya Cîhanê de derxist 16’an û bû hevkarê rekorê Miroslav Klose.
MESSI BI ÇEPILAN JI LÎSTIKÊ DERKET
Lionel Messi yê ku mohra xwe li maçê da, di deqîqeya 80’an de cihê xwe da Nico Paz. Stêrka bi tecrûbe, dema ji lîstikê derket, ji aliyê temaşevanan ve bi coş hat çepilkirin.
Di deqîqeyên mayî de hewldanên Cezayîrê encam neguherand û Arjantînê di maça xwe ya ewil a Kûpaya Cîhanê ya 2026’an de Cezayîr 3-0 têk bir û destpêkekî bi heybet li Koma J kir.
