🔴NÛPEL — Herêma Bradostê ku bi xwezaya xwe ya bêhempa û kûrahiya xwe ya dîrokî tê naskirin, bi taybetî bi Geliyê Biradost balê dikişîne ser xwe. Ev herêma ku dikeve sînorê Başûrê Kurdistanê, ji bo gelek lêkolîner, rojnamevan û dildarên xwezayê wekî “bihişta veşartî” tê pênasekirin.
Xwezayeke Destnedayî û Dîrokeke Zindî
Herêma Bradostê ne tenê bi gelî, lê bi qadên wekî Xakûrkê, Lolan, Xinêre, Berbizina, Kelaşîn, Goşîn û Rostê jî navdar e. Ev herêmên ku her bihosta wan bi çîrokên dîrokî dagirtî ne, bi lûtkeyên xwe yên bi berf, avên sar û zozanên hênik nav û deng dane.
Geliyê ku di nav dilê Bradostê de, bi taybetî di salên dawî de bi dîmenên xwe yên estetîk û dewlemendiya xwe ya ekolojîk dibe mijara gelek xebatên belgefilmî û nûçeyan.
“Sê Salên bi Wate”
Kesên ku li vê herêmê mane û xebatên lêkolînê meşandine, destnîşan dikin ku Bradost tenê qadeke cografî nîn e; di heman demê de dibistana çand û dîrokê ye. Tê diyarkirin ku jiyana li van gelî û çiyayan, bandoreke kûr li ser bîra mirovahiyê dihêle û wateyeke cuda dide têkoşîna jiyanê.
