NÛPEL – Di yekemîn maça Koma A ya Kûpaya Cîhanê ya FIFA 2026’an de, Koraya Başûr li hemberî Çekyayê ket rewşa paşketî, lê bi gola Hyeon-Gyu Oh ê ku formaya Beşiktaşê li xwe dike, bi encama 2-1 bi ser ket.
Di çarçoveya Kûpaya Cîhanê ya FIFA 2026’an de, li Koma A Koraya Başûr û Çekya hatin pêşberî hev. Ev pêşbirka heyecanî li Stadyuma Guadalajarayê hat lîstin û Koraya Başûr maç 2-1 qezenc kir.
Gola Serkeftinê Ji Oh ê Beşiktaşî Hat
Tîma Çekyayê di xuleka 59’an de bi avêtina taca dirêj û bi lêdana serî ya kaptanê xwe Krejci 1-0 ket pêşiyê. Lê bersiva nûnerê Asyayê dereng neket; Koraya Başûr di xuleka 67’an de bi gola Hwang In-Beom wekheviya lîstikê pêk anî (1-1).
Gotin û biryara dawî ya maçê ji aliyê Hyeon-Gyu Oh ê lîstikvanê Beşiktaşê ve hat dayîn. Oh, di xuleka 69’an de li şûna Heung Min-Son daxilî lîstikê bû û di xuleka 80’an de gola ku tîma wî derxist pêş qeyd kir. Di xulekên mayî yên maçê de tu golên din çênebûn.
Rewşa Pûanan a Di Komê De
Bi vê encamê re, nûnerê Asyayê Koraya Başûr pûanên xwe derxistin 3’yan. Çekyayê binketinek xwar û di maça xwe ya yekem de nekarî pûanê bi dest bixe.
Di maça bê de, Koraya Başûr dê rûbirûyî Meksîkayê bibe. Çekya jî dê ji bo sê pûanan li dijî Afrîkaya Başûr têbikoşe.
