NÛPEL – Emîndarê Giştî yê Ketîbeyên Seyidûlşuhedayê behsa amadekariyên şer dike, gefan li Îsraîlê dixwe û piştevaniya xwe ya ji bo Îranê dubare dike.
Îran û Îsraîlê şeva borî careke din êrişî hev kirin. Li gorî daxuyaniyên Îranê agirbest bi dawî bûye û rageşiya li herêmê berdewam dike. Bi hinceta ku Îsraîl êrişî Lubnanê dike, şeva borî Îranê dest bi êrişan kir.
Emîndarê Giştî yê Ketîbeyên Seyidûlşuhedayê Ebû Ela El-Welaî derbarê mijarê de helwesta xwe ragihand.
Ebû Ela El-Welaî li ser hesabê xwe yê tora civakî X (Twitter) behsa amadekariyên şer kir, gef li Îsraîlê xwarin û piştevaniya xwe ya ji bo Îranê diyar kir.
Her wiha Ketîbeyên Hizbullahê yên Iraqê jî bi daxuyaniyekê ragihand ku ger Amerîka destwerdanê li dijî vê rûbirûbûnê bike, wê bingeh û berjewendiyên wê yên li Iraq û herêmê bibin armanc.
Gefên komên çekdar ên Iraqê di demekê de ne ku hikûmeta Bexdayê hewl dide hemû komên çekdar ên li welat bêçek bike.
