NAVENDA NÛÇEYAN (Nûpel) – Piştî daxuyaniyên tund ên di navbera Îran û Dewletên Yekbûyî yên Amerîkayê (DYA) de, buhayê petrola brent careke din ber bi jor ve çû.
Ji ber aloziya nû ya di navbera her du welatan de, mijara vekirina Tengava Hurmuzê ya ji bo trafîka keştiyan ket rewşeke dijwar û ev yek bû sedema fikarên li ser dabînkirina sotemeniyê. Rawestandina trafîka li tengavê, yekser bandora xwe li ser buhayê petrola brent nîşan da.
Zêdebûna di Nirxan de
Li gorî daneyên dawî yên ji bazarên navneteweyî:
Petrola Brent: Bi zêdebûna %1,47’an, derket 101,53 dolarî.
Petrola WTI (DYA): Bi zêdebûna %1,18’an, gihîşt 95,93 dolarî.
