AMED (Nûpel) – Piştî ku Amedsporê di karkirina xwe ya serkeftî de şampiyoniya xwe ragihand, ji her çar parçeyên Kurdistanê, ji Tirkiyeyê û ji cîhana werzîşê peyamên pîrozbahiyê yên germ hatin weşandin. Ev serkeftina dîrokî ne tenê di qada werzîşê de, lê di qada siyasî û civakî de jî bû rojeva sereke.
Peyamên Ji Herêma Kurdistanê
Serokê Herêma Kurdistanê Nêçîrvan Barzanî û Serokê YNK’ê Bafil Talabanî di nav kesên pêşîn de bûn ku Amedspor pîroz kirin. Di peyamên wan de hate destnîşankirin ku ev serkeftin ji bo gelê herêmê çavkaniya moral û şanaziyê ye.
Dengê Siyasetê: Ji Îktîdarê heta Mixalefetê
Şampiyoniya klûba paytexta hîmî, di nav eniyên cuda yên siyasetê de jî deng veda. Kesên ku peyamên pîrozbahiyê şandin ev in:
Recep Tayyîp Erdogan: Serokkomarê Tirkiyeyê serkeftina tîmê pîroz kir.
Nûman Kurtulmuş: Serokê Meclîsa Mezin a Gel a Tirkiyeyê (TBMM).
Özgür Özel: Serokê Giştî yê CHP’ê.
Tuncer Bakirhan: Hevserokê Giştî yê DEM Partiyê.
Tulay Hatimogullari: Hevseroka Dem Partiyê
Cîhana Futbolê Yekdeng Bû
Di qada sporê de jî “Sê Mezinên” Stenbolê û gelek klûbên din Amedspor bi tenê nehiştin. Klûbên navdar ên wekî Galatasaray, Fenerbahçe û Beşiktaş bi daxuyaniyên fermî serkeftina Amedsporê pîroz kirin û ji bo lîga bilindtir serkeftin xwestin. Başakşehir FK, Kasimpaşa û Alanyaspor jî serkeftina Amedsporê pîroz kirin.
Her wiha tîmên Kurdistanê yên weke Zaxospor, Batman Petrolspor, Mûşspor, Vanspor, Mardinspor jî serkeftina Amedsporê pîroz kirin.
