Rêya parêzgehên Wan û Colemêrgê yên Bakurê Kurdistanê ji ber aşûtê hat girtin.
Li Wan û Colemêrgê doh berf bariya û îro pileyên germê bilind bûn û barîna berfê sekinî.
Ji ber bilindbûna pileyên germê û helîna berfê, li nêzîkî gundê Çûxê yê navçeya Elbakê ya Wanê aşût ket ser rê.
Rêya di navbera Wan û Colemêrgê de ji her du aliyan ve hat girtin.
Xebatên vekirina rêyê didomin
Li ser agahdarkirinê tîmên Birêvebiriya Rêyên Bejayî, tîmên AFADê û cendirme çûn cihê bûyerê.
Ji bo vekirina rêyê xebatên tîman didomin.
Ji ber girtina rêyê, hem ji aliyê Wanê û hem jî ji aliyê Colemêrgê ve gelek otomobîl û wesayît rawestiyan.
/rûdaw/
