NAVENDA NÛÇEYAN (Nûpel) – Serokê Dewletên Yekbûyî yên Amerîkayê (DYA) Donald Trump ragihand ku wan ligel Îranê li ser xala “nedebûna xwediyê çeka nukleerî” lihevhatin pêk aniye û got: “Me îro şerê bi Îranê re bi dawî kir.”
Trump beşdarî mîtînga telefonî ya Burt Jones a ku ji bo parêzgarîya Georgiayê herêmî dixebite bû û li wir derbarê rageşî û şerê bi Îranê re daxuyaniyên girîng da.
Trump di axaftina xwe de bal kişand ser lihevhatina nû û wiha axivî: “Ez nizanim we bihistiye yan na, lê me îro şerê bi Îranê re bi dawî kir. Wan qebûl kir ku tu carî nebin xwediyê çeka nukleerî, ku ev yek jixwe daxwaza me ya sereke û biryardar bû. Tevahiya armanca me ev bû. Ji sedî 95ê armanca me ev derbaskirin bû.”
Serokê DYA’yê Trump her wiha dabû xuyakirin ku peyman di qonaxa “erêkirinê” ya ji aliyê Îranê de ye û eşkere kir ku wî êrîşên ku dihat pênasekirin ku dê di 11’ê Hezîranê de pêk bên, betal kirine.
