NÛPEL – Şaredariya Licê, bi minasebeta hefteya Cejna Zimanê Kurdî, bi pêşengiya navenda çand û hunerê ya AFA’yê, bi tevlîbûna hevşaredar Dilek Diyar Ozer, Firat Demir û endamên meclîsa şaredariyê ji bo ciwanên navçeyê geşteke rojane û dîrokî ber bi Mêrdînê ve organîze kir. Ev ger bi taybetî ji bo ciwanên temenê wan di navbera 17 û 25 saliyê de hat amadekirin.
Di çarçoveya vê geştê de, ciwanan fersend dît ku cih û warên dîrokî yên herêmê ji nêz ve bibînin. Cihên ku di bernameya gerê de cih girtin ev in:
• Bajarê Antîk ê Darayê: Ciwan li vê derê li şopên dîroka kevnar geriyan.
• Kela Zêrzîvanê: Wekî xaleke girîng a dîrokî û çandî hat ziyaretkirin.
• Keşîşxaneya Deyrulzafaranê: Ciwanan serdana vê manastira qedîm kir û li ser mîmariya wê ya pîroz agahî girtin.
Ev xebata Şaredariya Licê ji aliyê ciwanan ve bi eleqeyeke mezin hat pêşwazîkirin û bîranînên tije zanîn û kêfxweşî li pey xwe hiştin.
