AMED (Nûpel) – AMED (Nûpel) – Komeleyê Nuştekaranê Kurdan, semedê 15’ê Gulane Roşanê Zonê Kurdî Navendê Çand û Hunerî yê Eyşe Şane de bernameyêko edebî yo bimane viraşt. Bernameyo ke bi moderatorîya Ozlem Barane bî, Hevberfena Komîsyonê Ziwan, Çand û Hunerî ya Partîya Têkoşîn û Demokrasî ya Gelan (DEM Partî) Cemîle Turhalli û nuştekar Mihemed Kurdî sey qiseykerdo tede ca gîret.
Horîbîyayîş û Girîngîya Ziwan û Edebîyatê Kirmanckî Hat Nirxnayene
Çalakiya ke bi tewrbîyayîşêko zaf pîl amey darvistiş de, seba parastin û ravêrbîyayîşê ziwan û edebîyatê kurdî ber bi ameyoxî peyamê zaf girîngî amey dayene. Hevberfena Komîsyonê Ziwan, Çand û Hunerî ya DEM Partî Cemîle Turhalli panel de bi zaravayê kirmanckî qisey kerd û bala miletî ant qonaxanê dîrokî yê edebîyatê klasîkî ser. Turhalli dîyar kerd ke no edebîyato xwedîyê dîrokêka kûre, bi sedsalan o bi saya çandê devkî ameyo parastene û resayo roja ma ya ewroyîne.
Nuştekar Mihemed Kurdî ke bi nuşte û berhemên xo yê kirmanckî yên di rojname û kovaran de yeno naskerdene zî qiseykerdişê xo de bala ant ser girîngîya heyatî ya ziwanî. Kurdî, rûmetê parastin û averberdişê ziwanê dayîke bi vîr ard û dîyar kerd ke divê xebatê edebî û çandî bêrê xurtkerdene dake ziwan her qada jiyanê de cayê xo yo heqkerde bigîro.
Bername dima nirxnayîşanê li ser rewşa ewro û ameyoxê ziwan û edebîyatê kurdî, bi çepikan qediya.
