🔴ÇEWLÎG (Nûpel) – Li Çewlîgê, ji ber ketina aşîtê rêya ku navçeya Kanîreş û Çêrmeyê girê dide, li ber çûnûhatinê hat girtin. Ji bo vekirina rê xebatên dijwar hatine destpêkirin.
Wesayît di Rê de Man
Li gorî agahiyên hatine bidestxistin, li nêzî gundê Qizilçibûxê yê ser bi navçeya Kanîreşê ve, di dema derbasbûna wesayîtan de şape ket ser rê. Ji ber vê karesata xwezayî:
Rêya navbera Kanîreş û Çêrmeyê bi temamî hat girtin.
Hejmarek wesayît û welatî di rê de asê man û nikarin rêya xwe bidomînin.
Ekîb Hatine Şandin
Piştî agahdarkirinê, komên Rêyên Bejayî û ekîbên cendermeyan sewqî herêmê hatin kirin. Ji bo paqijkirina berfê û rizgarkirina wesayîtên ku di rê de mane, xebatên jêbirina berfê bi lez berdewam dikin.
Rayedaran hişyarî dan ajokaran ku heta rê neyê vekirin vê rêyê bikar neynin û li hemberî xetereya şapeyên nû baldar bin.
