AMED (Nûpel)– Navenda PENa Kurd û gelek saziyên çandî û hunerî yên li Amedê, ji bo koça dawî ya helbestvanê kurd ê navdar Ehmed Huseynî merasîmeke şînê li dar dixin.
Ehmed Huseynî, ku endamê Komîteya Birêvebir a Giştî (KBG) ya Navenda PENa Kurd bû, li paytextê Swêdê, Stockholmê, ji ber nexweşiya penceşêra pişikê çû ser dilovaniya xwe. Ji bo bîranîna wî û parvekirina xema malbata wî, saziyên kurd li Amedê daxuyaniyek dan û gel vexwendin şînê.
Di daxuyaniyê de hat diyarkirin ku windakirina Ehmed Huseynî ji bo wêje û çanda kurdî windahiyeke mezin e û bang li gel hat kirin ku li bîranîna wî xwedî derkevin.
Merasîm bi hevkariya van saziyên li jêr tê lidarxistin:
• PENa Kurd
• Komeleya Wêjekarên Kurd
• YEWKURD
• MED-DER
• Enstîtuya Kurdî ya Amedê
• Ma Muzîk
• Wêjageh
Agahiyên Merasîmê:
Merasîm dê du rojan berdewam bike û derî ji hemû hezkirî û dostên helbestvan re vekirî ne.
Dîrok: 12-13 Adar 2026
Saet: 10:00-17:00
Cih: Komeleya Wêjekarên Kurd
