🔴AMED (Nûpel) – Bi nêzîkbûna Newroza 2026an re, di qada hunera Kurdî de xebateke nû û baldar hat weşandin. Berhema bi navê “Newroza Serfiraziyê”, ku bi kedeke hevpar hatî amadekirin, bi klîba xwe ya nû bicoş gihîşt ber destê guhdar û temaşevanan.
Kedeke Hevpar û Rihê Yekîtiyê
Ev xebata hunerî ku ruhê vejînê û daxwaza azadiyê ya Newrozê hildigire nava xwe, ji aliyê hunermendên nas ve hat afirandin. Nasnameya hunerî ya berhemê wiha ye:
• Gotin: Heval Dilbihar
• Muzîk: Kemal Yıldırım
• Stranbêj: Komîna Hunermendên Wanê
Taybetmendiya Berhemê: Pênc Zarava
Yek ji aliyên herî girîng ên vê stranê ew e ku dîsgotana wê bi pênc zaravayên sereke yên zimanê Kurdî hatî strandin. Di berhemê de her wekî rengên Newrozê, dengên Kurmancî, Zazakî, Soranî, Kelhûrî û Hewramî gihîştine hev. Ev taybetmendî wekî peyameke xurt a yekîtiya çandî ya Kurdistanê tê nirxandin.
“Silavek Ji Bo Hemû Gelên Azadîparêz”
Di daxuyaniya ku ji bo weşandina klîbê hatî parvekirin de, hat destnîşankirin ku ev berhem ne tenê stranek e, lê di heman demê de peyameke pîrozkirinê ye. Di daxuyaniyê de hat gotin:
“Newroz di serî de li neteweya Kurd û li hemû kes, kom, gel û neteweyên ku dildarê azadiyê ne, pîroz be!”
NEWROZA SERFIRAZIYÊ
Dest û zendên xwe badane
Agirekî sor dadane
(Ala azad’yê hildane)
Govenda xwe digerînin
Roja me hemû kurdan e
Newroz roja rizgariyê
Xeml û rewşa azadiyê
Li çar milên Kurdistanê
(Li her çar milên cîhanê)
Nîşana serfiraziyê
Newrozê tu xweş Newroz î
Tu ji bo me soz û doz î
Li ber bahoz û tofanan
(Agirê te gur û geş e)
Stargeha me ya pîroz î
Ruhê me yê neteweyî
Bi hezaran salan heyî
Heta ku yek ji me hebe
Tu her taca serê me yî
(Tu her agrê dilê me yî)
Çiya bi te serbilind in
Gund û bajar bi te rind in
Tu yî giyanê me kurdan
Em hene û dê her hebin
Newrozê tu xweş Newroz î
Tu ji bo me soz û doz î
Li ber bahoz û tofanan
(Agirê te gur û geş e)
Stargeha me ya ypîroz î
Kirmanckî (Zazakî)
Newroz ti çi weş Newroz î
Ti seba ma soz û doz î
Verba tîpî û tofonan
(Adirê to girr û xidar o)
Setara ma ya bimbarek î
Soranî
Newroz tu xoş Newroz î
Tu bo ême soz û doz î
Le ber bahoz û tofanan
(Agirit gurr û geş e)
Boman penagey pîroz î
Kelhûrî
Newrûzegem xweş Newrûz î
Ti hem peyman hemîş sûz î
Le niway her wahêllanê
(Agireged germ û gurr e)
Penagay berz û pîrûz î
Hewramî
Newroz to weş newroznî
Pey ême soz û doznî
Werû bahoz û demeyne
Killpew ayirî geşîtne
Peyma dalde û pîroznî
