🔴Serokwezîrê Îspanyayê Pedro Sanchez, ku di hedefa Serokê DYA’yê Donald Trump de ye, diyar kir ku şerê Îranê “şaşiyeke gelek mezin e” û destnîşan kir ku divê hevalbend (mote fîq) şaşiyên hevdu ji hev re bibêjin.
Serokwezîr Sanchez îro careke din êrişa DYA û Îsraîlê ya li ser Îranê rexne kir û tekez kir ku “divê hevalbend şaşiyên hevdu ji hev re bibêjin.”
Sanchez li bajarê Huelva yê Îspanyayê, di civîneke hevbeş a çapemeniyê de ligel Serokwezîrê Portekîzê Luis Montenegro, dubare kir ku êrişa DYA û Îsraîlê ya li ser Îranê “li gorî hiqûqa navneteweyî nîn e.”
Sanchez midaxaleya leşkerî ya li dijî Îranê wekî “şaşiyeke gelek mezin” bi nav kir û parast ku divê müttefîq rastiyan li rûyê hev bibêjin. Serokwezîrê Îspanyayê got: “Dema yê din rast be, alîkarîkirin baş e; lê belê wekî ku niha di rojevê de ye, dema yê din di şaşiyê de be an şaşiyekê bike, divê mirov vê yekê bibêje.” Her wiha anî ziman ku ew dixwazin tengezariya di têkiliyên bi DYA’yê re cihê xwe bide hevkariyê.
Sanchez diyar kir ku ew “rêzeke mezin ji serokatiya DYA’yê re digire û heyranê civaka Amerîkayê ye,” lê destnîşan kir ku divê têkilî “li ser bingeha rêz û hevkariya dilsozane, di heman asta çavan de bin.”
Rexneya Montenegro ya li dijî Trump
Di vê navberê de, mêvanê Sanchez, Serokwezîrê Portekîzê Montenegro jî got ku di têkiliyên hevalbendiyê de cih ji gefan re nîn e. Portekîz, berevajî Îspanyayê, destûr da ku DYA bingeha leşkerî ya Lajesê bi kar bîne. Montenegro her çend got ku ew li gel DYA’yê ne jî, destnîşan kir ku “têkiliyên navbera hevalbendan bi gef û tawanbarkirinê nayên birêvebirin.”
Dueloya peyvan a Sanchez û Trump
Tengezariya navbera DYA û Îspanyayê di destpêka hefteyê de piştî daxuyaniyên Donald Trump ên di hevdîtina bi Şansolyeyê Almanyayê Friedrich Merz re li Qesra Spî zêde bû. Trump Îspanya bi “hevalbendeke xerab” tawanbar kir ji ber ku destûr neda bikaranîna bingehên xwe yên leşkerî û gef xwar ku wê bazirganiyê bi dawî bike û got: “Ez êdî naxwazim têkiliya me bi Îspanyayê re hebe.”
Sanchez di bersiva xwe de got ku helwesta hikûmeta Îspanyayê ya li dijî şerê Îranê wê neguhere û ew ê serî ji gefan re netewînin. Serokwezîrê Îspanyayê şerê Îranê yê ku DYA û Îsraîlê daye destpêkirin bi “ruleta Rûsî” şiband û got ku jiyana bi milyonan mirovan ketiye metirsiyê. Wî rêveberiya Washingtonê bi “sûckariyê” tawanbar kir û got: “Tenê ji ber tirsa tolhildanê, em nabin hevkarê bûyereke ku zirarê dide cîhanê û li dijî nirx û berjewendiyên me ye.”
Li ser vê yekê, Trump roja pêncşemê di hevpeyvînekê de ligel New York Post, Îspanya wekî “peritî/winda kirî” (loser) bi nav kir û rexneyên xwe tundtir kirin.
Serokwezîrê sosyalîst Pedro Sanchez, ji xeynî rexnekirina êrişên ser Îranê, bi rexneyên xwe yên tund ên li ser şerê Xezeyê yê Îsraîlê û operasyona DYA’yê ya revandina Serokê Venezuelayê Nicolas Maduro jî tê naskirin. Her wiha Îspanya tevî zextên DYA’yê, soza zêdekirina lêçûnên parastinê ya ji bo NATO’yê nade, ku ev yek ji mijarên sereke ye ku Trump aciz dike.
/Nûçeyên Cîhanê/
