🔴NÛPEL – Di Lîga Şampiyonan a Ewropayê de kelecana çaryek fînalê bi maçên vegerê berdewam dike. Piştî rikberiyên dijwar, PSG û Atletico Madrid bûn du tîmên yekem ku bilêta nîv-fînalê bi dest xistin.
PSG li Îngilîstanê Bêrehm Bû
Nûnerê Fransayê Paris Saint-Germain (PSG), serkeftina xwe ya maça yekem li Îngilîstanê jî parast. PSG ku di maça yekem de li qada xwe Liverpool bi encama 2-0 têk biribû, di maça vegerê de bû mêvanê tîma Îngilîz.
PSG li deplasmanê jî lîstikek serkeftî nîşan da û bi encama 2-0 bi ser ket. Golên ku PSG birin nîv-fînalê, di xulekên 72 û 90+1’an de ji aliyê stêrkê tîmê Ousmane Dembele ve hatin avêtin. Bi vê encamê, nûnerê Fransayê careke din di nav tîmên herî serkeftî yên Ewropayê de cihê xwe girt.
Atletico Madrid Tevî Têkçûnê jî Derbas Bû
Di derbiya bi heyecan a Spanyayê de, Atletico Madrid û Barcelona hatin pêşberî hev. Atletico Madrid ku di maça yekem de Barcelona 2-0 têk biribû, di maça vegerê de li qada xwe rastî berxwedanek mezin hat.
Di vê maçê de Barcelona bi golên Lamine Yamal (deqe 4) û Ferran Torres (deqe 24) 2-1 bi ser ket. Lê belê, ev encam têra Barcelonayê nekir. Atletico Madrid bi saya avantaja golekê ya ji maça yekem, karî Barcelona ji lîgê dûr bixe û navê xwe bixe nava tîmên nîv-fînalîst.
