🔴NAVENDA NÛÇEYAN (Nûpel)— Li gundê Sêre yê navçeya Erxeniya Amedê, brûsk ket hewşa dibistanê. Di encama vê bûyera dilsoz de 2 zarokan jiyana xwe ji dest dan û zarokek jî giran birîndar bû.
Li gorî agahiyên ku hatine bi dest xistin, bûyerê sibehê zû li gundê Sêre mezraya Rihanokê ya ser bi navçeya Erxeniyê ve rû da. Brûsk li darê ku di hewşa dibistana seretayî de ye ket. Di wê kêliyê de zarokên bi navê Serkan Yildirim (13), Kasim Yildirim (14) û M.Y. yên ku li binê darê bûn, birîndar bûn.
Bi Hemû Midaxileyan Nehatin Rizgarkirin
Piştî agahdarkirinê, tîmên tenduristiyê hatin cihê bûyerê û birîndar rakirin Nexweşxaneya Dewletê ya Erxeniyê. Ji birîndaran Serkan Yildirim û Kasim Yildirim tevî hemû hewildanên bijîşkan jî nehatin rizgarkirin û jiyana xwe ji dest dan.
Rewşa Birîndarê Din Giran e
Zarokê bi navê M.Y. ku di heman bûyerê de birîndar bibû, ji bo tedawiyê şandin Nexweşxaneya Perwerde û Lêkolînê ya Gazî Yaşargil a Amedê. Hat ragihandin ku rewşa M.Y. giran e û metirsiya li ser jiyana wî berdewam dike.
Têkildarî bûyerê lêpirsîn hat destpêkirin.
