Îro roja yekem a Cejna Qurbanê ye.
Di berbanga sibehê de şêniyên bajarê Hesekê û Qamişlo berê xwe dan goristanên şehîdan.
Li bajarê Qamişlo, Parêzgarê Hesekê Nûredîn Ehmed tevî rûsipî û şêniyan nimêja cejnê li mizgefta Qasimo kir.
Piştî nimêjê Nûredîn Ehemd Cejna Qurbanê li her kesî pîroz kir.
Li bajarê Hesekê jî Fermandara Yekîneyên Parastina Jin YPJ`ê Rohilat Efrîn serdana goristana Şehîd Dijwar kir û cejna malbatên qurbaniyan pîroz kir.
Zarokan jî ji sibehê ve li nava kolanên bajarê Hesekê geriyan û şekir kom kirin.
Her wiha welatiyên Hesekê cejna Qurbanê pîroz kirin û daxwaz kirin ku di demeke nêz de hemû dîlgirtiyên Hêzên Sûriya Demokratîk ên di destê Hikûmeta Veguhêz a Sûriyê de, serbest werin berdan.
Welatiyên Hesekê: Em dixwazin êsîrên me werin berdan
Cejna Qurbanê, di roja yekem de, li gorî rêûresmên civakê bi rê ve diçe û hêviya hemû pêkhateyan ew e ku aloziya siyasî û aborî bi dawî bibe.
/Çawkani: nucetv.net/
