Serokwekîla Koma DEM Partiyê Gulistan Kiliç Koçyîgît bang li Meclîsa Tirkiyê kir ku ji bo pêvajoyê gavên qanûnî bi avêje.
Koçyîgît diyar kir ku bê çarçoveya qanûnî nepêkan e ku pêvajo bi awayekî mayinde û mîsoger pêşve biçe.
Gulistan Kiliç Koçyîgît li Meclîsa Tirkiyê derbarê pêvajoya Aştî û Civaka Demokratîk de axivî û bal kişand ser pêdiviya gavên qanûnî.
Koçyîgît got;
Bendewariya civakê ew e ku pêvajo bi çarçoveyek qanûnî bê mîsogerkirin.
Li gorî wê, qanûn dikare hem pêvajoyê biparêze û hem jî baweriya civakê xurt bike.
Wê anî ziman ku ji bo mayindebûna pêvajoyê û veguherîna wê ya civakî, rol û berpirsyariya Meclîsê girîng e.
DEM Partî bang li meclîsê kir: Berpirsyariya xwe pêk bînin
Serokwekîla DEM Partiyê bang li hemû partiyên siyasî û Serokê Meclîsê kir ku li gorî rapora hevpar a komîsyonê tevbigerin û di vê qonaxa dîrokî de berpirsiyariya xwe bicih bînin.
Her weke diyar kir ku bê çêkirina qanûnan nepêkan e pêvajo bi awayekî mîsoger pêşve biçe.
DEM Partî: Şert û mercên Ocalan divê bên başkirin
Koçyîgît herwiha diyar kir ku şert û mercên Rêbere PKK Abdullah Ocalan, wek muzakerevanê sereke yê pêvajoyê, hîn nehatiye başkirin û daxwaz kir ku ji bo pêşxistina pêvajoyê gavên berbiçav di vê warê de jî bên avêtin.
/Çawkani: Ronahi.TV/
