🔴Tê payîn ku Umut Altaş ê ku li Dewletên Yekbûyî yên Amerîkayê firar e, radestî Tirkiyê were kirin. Altaş ê ku di lêpirsîna Gulistan Doku de roleke girîng lîstiye, îdia kiriye ku Mustafa Turkay Sonel di kuştina Gulistanê de li xwe mikur hatiye.
Gulistan Doku ya ku piştî di 5’ê çileya 2020’an de ji wargeha zanîngeha Munzûrê derket û winda bû, lêpirsîna wê berdewam dike.
Umut Altaş ê ku di pêvajoya lêpirsînê de reviyaye Dewletên Yekbûyî yên Amerîkayê û derbarê wî de bultena sor hatibû derxistin.
Umut Altaş li Amerîkayê hat girtin
Ji aliyê saziyên ewlehiyê yên Dewletên Yekbûyî yên Amerîkayê ve hatibû girtin û tê payîn ku radestî Tirkiyê were kirin.
Altaş ji ber dostaniya xwe ya nêzîk bi kurê parêzgarê berê yê Dêrsimê Tuncay Sonel, Mustafa Turkay Sonel re, di dozê de xwedî cihekî krîtîk e.
Her wiha, ew îdia dike ku Turkay Sonel di kuştina Gulistan Doku de li xwe mikur hatiye.
Bavê Umut Altaş di çarçoveya lêpirsînê de hatiye girtin
Ev îdiaya Altaş ji aliyê bavê wî Celal Altaş ê ku niha di lêpirsîna Gulistan Doku de girtî ye jî hatiye ser ziman û di dosyaya dozê de cih girtiye.
Celal Altaş wiha dibejê:
“Bi tevahî ti eleqe yan alîkariya min di vê bûyerê de tune ye. Ez gelek caran bi Umut re axivîm û wî got:
‘Ez wî nas nakim, ti agahdariya min tune ne.’
Lê belê, di axaftinekê de, wî got, ‘Rojekê, Mustafa Turkay çeka xwe derxist û got, ‘Min bi vê çekê gule li kesekî reşand.’
Gulistan Doku ji çileya 2020’an ve winda ye
Di axaftineke din de, wî got, ‘Pereyan ji min re bişînin, ez tême tehdîtkirin, ez hewceyê mîqdareke mezin a pereyan im.’
Min fêm nekir çima ew tê tehdîtkirin.”
Umut Altaş di hevpeyvîneke bi rojnamevanekî re, texmînên xwe yên der barê cihê veşartina cenaze de wiha rêz kir:
“Ez cihê rast ê cenaze nizanim, lê dibe ku li dora zanîngehê be, li devereke dûr be ku mirov naçin wir, dibe ku li nêzîkî taxa Aktuluk be.
Divê ew deverên veşartî yên li wê taxê bêne kontrolkirin ku kes naçe wan deran.
Her wiha, divê ew bê guman qada depoya çopê ya li kêleka santralên paqijkirina avê yên li Bayraktepe kontrol bikin.”
Celal Altaş: Ez ê kujer têxim destên we
Gotinên Altaş li navenda polîsan a li Dewletên Yekbûyî yên Amerîkayê jî balkêş bûn.
Altaş diyar kir ku ew xwediyê agahî û delîlên ku dê dozê ronî bikin e û got:
“Ji bo her tiştî delîlên min hene.”
Altaş her wiha gotibû, “Ez ê kujer têxim destên we.”
Peyameyên wî bi bavê xwe re jî di dosyayê de hatine bicihkirin
Tê bawerkirin ku Umut Altaş di sala 2022’an de çûye Meksîkayê û ji wir bi awayekî neqanûnî derbasî Dewletên Yekbûyî yên Amerîkayê bûye.
Piştî ku Serdozgera Komarê ya Dêrsimê Ebru Cansu şeş sal şûnda doz ji nû ve vekir, fermana girtina wî ya dirêjkirî hate dayîn û bi rêya bultena sor a Interpolê rastî lêgerînê dihat.
Yek ji delîlên herî dawî yên ku li dosyayê hatin zêdekirin, peyamên nivîskî yên di navbera Umut Altaş û bavê wî Celal Altaş de bûn, ku niha di çarçoveya vê lêpirsînê de girtî ye.
Gulistan Doku li zanîngeha Munzurê ya Dêrsimê xwendekar bû
Li gorî nameyên 9ê çileya 2026an, Umut ji bavê xwe re peyamek şandiye û gotiye:
“Tu difikirî ku ewqas hêsan e, ne wisa? Ji bo tiştê ku te kiriye dê bedelek hebe. Ez îro li bendê me ku 9,000 dolar di hesabê min de be.”
Celal Altaş bersiv da, “Baş e, çi dixwazî bike,” û “150,000 dolarê ku min ji te re şandiye vegerîne.”
Umut Altaş: “Ger îro pere negihîjin, ez ê gazî dozger bikim û her tiştî jê re bêjim. Ez ê jê re bêjim çima te ez şandim Amerîkayê.”
Di lêpirsînê de 15 kes hatin binçavkirin
Li Dêrsimê, Gulistan Doku xwendekara sala duyemîn a Beşa Geşedana Zarokan a Zanîngeha Munzurê bû ku ji 5’ê çileya 2020’an û vir ve winda ye.
Di çarçoveya lêpirsîna windabûna Gulistan Doku de ji 15 gumanbarên ku hatine binçavkirin, 12 kes hatin girtin û ji bo 3 kesan jî tedbîrên kontrola edlî hatin girtin.
/Çawkani: nucetv.net/
