SÊRT (Nûpel) – Platforma Ked û Demokrasiyê ya Sêrtê, bi boneya 15’ê Gulanê Cejna Zimanê Kurdî, rêzeçalakiyên ku dê sê rojan bidomin eşkere kir. Di nava bernameyê de meş, daxuyaniyên çapemeniyê, panel û sînevîzyonên ji bo zarokan cih digirin.
Bernameya Çalakiyan bi vî rengî ye:
15’ê Gulanê: Roja Meş û Daxuyaniyê
Çalakiyên pîrozbahiyê di roja fermî ya Cejna Ziman de dest pê dikin.
Saet: 16:00
Cihê Kombûnê: Li ber derê Komeleya Mafên Mirovan (ÎHD) ya Şaxa Sêrtê.
Çalakî: Piştî kombûna li ber ÎHD’ê, dê di Kolana Guresê de meşek bê lidarxistin û li ber Dibistana Sancakê daxuyaniyek ji bo raya giştî bê dayîn.
16’ê Gulanê: Hevdîtina bi Nivîskar û Helbestvanan re
Roja duyemîn a bernameyê dê bi rengê hunerî û wêjeyî bidome.
Saet: 14:00
Cih: Eywana Baroya Sêrtê.
Mêvan: Rojnameger û helbestvan Roza Metîna û helbestvan Gulecan dê bi xwendevan û dildarên ziman re bên cem hev.
17’ê Gulanê: Ji Bo Zarokan Sînevîzyon
Platforma Ked û Demokrasiyê di roja dawî de zarokan ji bîr nekiriye.
Saet: 20:00
Cih: Eywana Baroya Sêrtê.
Çalakî: Ji bo zarokan nîşandana sînevîzyona bi kurdî dê bê lidarxistin.
“Cejna Zimanê Kurdî Pîroz Be”
Platforma Ked û Demokrasiyê ya Sêrtê bang li tevahî gelê herêmê kir ku bi kincên xwe yên neteweyî û bi coşeke mezin beşdarî van çalakiyan bibin û xwedî li zimanê dayikê derkevin.
