NAVENDA NÛÇEYAN (Nûpel) – Piştî Civîna Kabîneyê, Serokkomarê Tirkiyeyê Recep Tayyip Erdogan li ser êrîşên çekdarî yên ku li dibistanên Mereş û Rihayê pêk hatibûn, daxuyaniyên girîng da. Erdogan diyar kir ku ewlehîya dibistanan ji bo wan di ser her tiştî re ye û ragihand ku dê di vê çarçoveyê de gavên nû û tund bên avêtin.
Rewşa Birîndaran û Tedbîrên Ewlehiyê
Erdogan derbarê rewşa dawî ya birîndaran de agahî dan û got: “Di bûyera dilsoz a li Kahramanmaraşê de 15 birîndar hatin derxistin. Tedawiya 9 zarokên me berdewam dike ku 3 ji wan di lênihêrîna giran de ne.” Serokkomar destnîşan kir ku ji bo rêgirtina li bûyerên wiha, dê xebatên “Dewriyeya Sîber” bên zêdekirin û kapasîteya yekîneyên sîber bê xurtkirin.
Biryarên Nû yên di Perwerdehiyê de
Erdogan diyar kir ku ji bo ewlehiya xondevanan dê pergalên nû werin aktîfkirin:
Pergala Randevûya Weliyan: Dê bi awayekî biertir were bikaranîn.
Xeta Piştgirî û Şêwirmendiyê: Ji bo malbatan xeteke taybet a şêwirmendiyê tê avakirin.
Hevkariya Dibistan û Polîsan: Modelên nû yên xebatê ji bo parastina dibistanan tên pêşxistin.
Rexne li Medya û Siyasetê
Erdogan bal kişand ser bandora medyayê û weşanên tundûtîjiyê. Erdogan got: “Di nûçeyan de nîşandana hûrguliyên sûc û servîskirina dîmenên êrîşê, rîska ‘teqlîdkirinê’ ji bo zarokan zêde dike.” Her wiha Erdogan rexne li mûxalefetê û hin organên medyayê jî girt û destnîşan kir ku bi daxuyaniyên xwe xizmeta armanca êrîşkaran dikin.
Erdogan di dawiya axaftina xwe de dubare kir ku tu kes mafê wî tune ye ku mamoste, xondevan û malbatan bixe nava tirs û fikarê û di mijara ewlehiyê de tu tawîz nayên dayîn.
