🔴HEWLÊR (Nûpel) – Serokwezîrê Herêma Kurdistanê Mesrûr Barzanî, derbarê êrişên dawî yên li ser axa Herêma Kurdistanê peyameke tund belav kir. Barzanî diyar kir ku tevî agirbestê jî êriş berdewam dikin û daxwaza parastina navneteweyî kir.
“Em Ne Parçeyek Ji Vî Şerî Ne”
Serokwezîr Mesrûr Barzanî destnîşan kir ku Herêma Kurdistanê di nav tu şerekî de nîn e, lê tevî vê yekê jî di rojên dawî de rastî êrişên dijwar tê. Barzanî da zanîn ku armanca van êrişan têkdana aramiya herêmê û agirbestê ye.
Bîlanoya Êrişan: 5 Şehîd û Gelek Birîndar
Di daxuyaniyê de hat eşkere kirin ku ji ber êrişên van çend rojên borî:
5 welatî şehîd ketine.
Hejamreke zêde ya welatiyan jî birîndar bûne.
Bang li Bexda û Civaka Navneteweyî
Mesrûr Barzanî ji bo rawestandina van êrişan bang li Hikûmeta Federal a Iraqê û hevkarên navneteweyî kir:
Hikûmeta Federal: Divê Bexda ji bo parastina serweriya axa xwe û bidawîanîna êrişan rêkarên pratîkî û cidî bigire ber xwe.
Hevkarên Navneteweyî: Serokwezîr daxwaz kir ku ji bo parastina welatiyên Kurdistanê û binesaziya enerjiyê (petrol û gaz), alavên parastinê yên pêwîst ji Herêma Kurdistanê re werin dabîn kirin.
“Ev êriş hewldanek e ji bo têkdana agirbestê û gihandina zerera zêdetir bi herêma me. Em daxwaza alavên pêwîst ji bo parastina binesaziya xwe ya enerjiyê dikin.”
/Çavkanî: Rûdaw/
