🔴NÛPEL – Serokkomarê Tirkiyeyê Recep Tayyîp Erdogan, li Merasîma Vekirina Tesîsên Hilberînê ya ROKETSANê axivî û bal kişand ser êrîşa li dijî konsolxaneya Îsrailê û geşedanên di pîşesaziya parastinê de.
Serokkomarê Tirkiyeyê Recep Tayyîp Erdogan, beşdarî “Merasîma Vekirina Tesîsên Hilberînê, Radestkirina Hilberîna Seriî û Merasîma Bingehavêtinê ya ROKETSANê” bû. Erdogan di axaftina xwe de peyamên girîng dan û êrîşa li ser konsolxaneya Îsraîlê şermezar kir.
“Êrîşa Nemerdane Lanet Dikim”
Erdogan derbarê aloziya li ber konsolxaneya Îsraîlê de daxuyanî da û got: “Ez vê êrîşa nemerdane lanet dikim. Em ê bi tu awayî rê nedin provokasyonan.” Erdogan destnîşan kir ku armanca van êrîşan xirabkirina aramiya herêmê ye, lê ew ê di vê mijarê de hişyar bin.
“Hêza Artêşa Me Dê Zêdetir Bibe”
Erdogan di berdewamiya axaftina xwe de qala girîngiya pîşesaziya parastinê kir û spasiya xebatkarên vê sektorê kir. Erdogan wiha got:
“Ez spasiya hemû kesên ku di pîşesaziya parastinê de bi şev û roj dixebitin û vê sektorê li ser piyan digirin dikim. Bi van binesaziyên nû yên ku hatine avakirin, hêza rêgiriyê ya artêşa me dê derkeve astên bilindtir.”
Têkoşîna Dijî Terorê û Aktoriya Global
Serokkomar Erdogan bal kişand ser biryardariya di şerê li dijî terorê de û destnîşan kir ku ew ê nehêlin tu kes zirarê bide “îklîma ewlehiyê”. Erdogan destnîşan kir ku Tirkiye di pergala nû ya cîhanê de xwedî roleke sereke ye û got: “Di dema ku qaîde û pêvajo ji nû ve teşe digirin, em wekî yek ji aktorên avaker ên vê nizamê cihê xwe digirin.”
