🔴Navenda Kaşûnê ya Hasêrekê ku li Çewlîgê yek ji cihên herî girîng ên geştûguzariyê ya zivistanê ye, di roja 2 û 3’yan a Cejna Remezanê de dê deriyên xwe ji ziyaretvanan re vekirî bihêle.
ÇEWLÎG (Nûpel) – Rêveberiya Parêzgehê ya Ciwan û Sporê ya Çewlîgê daxuyaniyek belav kir û ragihand ku tesîsên navenda kaşûnê di dema betlaneya cejnê de xizmetê bidomînin. Di daxuyaniyê de hat diyarkirin ku ji bo malbat û hezkiriyên xweşiya xwezayê û spora kaşûnê bijîn, amadekarî hatine temamkirin.
Roja Yekem Girtî, Rojên Din Vekirî Ye
Li gorî daxuyaniya fermî, bernameya xebatê ya Navenda Kaşûnê ya Hasêrekê wiha ye:
• Roja 1’em a Cejnê: Tesîs dê girtî be.
• Roja 2 û 3’yan a Cejnê: Ji bo mêvanan dê vekirî be.
Banga Ji Bo Welatiyan: “Werin Vê Atmosfêrê Bijîn”
Rayedarên rêveberiyê bal kişandin ser bedewiya xwezaya herêmê û bang li hemû welatiyan kirin:
“Ji bo ku hûn li gel malbat û hezkiriyên xwe di nav wê atmosfêra bêhempa de wextên xweş derbas bikin û kêfa kaşûnê bikin, niha tam dema wê ye. Em hemû welatiyên xwe vedixwînin Hasêrekê.”
Navenda Kaşûnê ya Hesarekê, ne tenê ji bo niştecihên Çewlîgê, di heman demê de ji bo hezkiriyên kaşûnê yên ji bajarên derdorê jî veguheriye xaleke girîng a geştûguzariyê. Tê payîn ku di rojên cejnê de eleqeyek mezin nîşanî navendê bê dan.
