NÛPEL – Tûrnûvaya Futbolê ya Navxweyî ya Saziyan a ku bi hevkariya Şaredariya Peyasê û Komeleya Rojnamevanên Başûrrojhilat (GGC) hatibû organîzekirin, bi maça fînalê bi dawî bû.
Tûrnûvaya ku nêzî mehekê dom kir û 46 tîmên saziyên cuda tê de cih girtin, bi armanca xurtkirina peywendiyên hevaltiyê, hevgirtin û hevrêtiyê di navbera saziyan de hate lidarxistin. Maça fînalê li Kompleksa Sporê ya 500 Evler a Şaredariya Peyasê hate lidarxistin û rastî eleqeyeke mezin hat.
Di fînalê de Gerînendetiya Tenduristiyê bi serkeft
Di maça fînalê de Tîma Egitim Sen û Gerînendetiya Tenduristiyê ya Navçeya Bajarê Nû derketin hemberî hev. Piştî pêşbirk û pêşbaziyê, Gerînendetiya Tenduristiyê ya Navçeya Bajarê Nû bi encama 1-0 Tîma Egitim têk bir û bû şampiyonê tûrnûvayê.
Merasîma xelatdayînê
Hevşaredarên Peyasê Cengîz Dundar, Serokê Komeleya Rojnamevanên Başûrrojhilat Felat Bozarslan û endamên desteya rêveberiyê, ligel nûnerên saziyên civaka sivîl, rêxistinên sporê û gelek welatî di maça fînalê û merasîma xelatdayînê de amade bûn.
Berî merasîmê axaftin hatin kirin, spasî ji hemû sazî û tîmên ku beşdarî tûrnûvayê bûbûn re hate kirin û paşê kûpa, madalya û xelat li tîmên fînalîst hatin belavkirin.
Bi vê tûrnûvaya ku ruhê yekîtiyê, hevgirtin û hevkariyê di navbera saziyan de xurt dike, bi serkeftî bi dawî bû.
