NÛPEL – Melkisiyên ku li Ewropayê dijîn, ji bo avakirina “Mala Çanda Melkisê” û zindîkirina bîra dîrokî ya gundê xwe, li bajarê Hurth ê Almanyayê di şevekî piştgiriyê de hatin ba hev.
Li bajarê Hurth ê Almanyayê, bi organîzasyona Komîteya Melkiş a Ewropayê, li avahiya AKM Hurthê çalakiyeke bi heybet hat lidarxistin. Di şevê de peyama sereke parastina çandê, xwedîderketina li paşerojê û afirandina qadeke civakî ji bo nifşên nû bû.
Çirayên Çandê Hatin Dadan
Bername bi merasîma “hişyarkirina çerağan” (pêxistina çirayan) dest pê kir. Piştî merasîmê, nîşandana sînevîzyonê ya li ser dîrok û bîra civakî ya herêmê bal kişand. Moderatoriya şevê ji aliyê Ali Guler ve hat kirin û di axaftinan de girîngiya avakirina Mala Çandê hat nirxandin.
“Tenê Avahî Nîn e, Vejandina Bîra Dîrokî ye”
Nûnerên Komîteya Melkis a Ewropayê diyar kirin ku parastina hebûna çandî ya di dîasporayê de helwesteke demokratîk e. Di axaftinan de bal hat kişandin ser van xalên girîng:
Gundê Melkisê (Civrak): Di salên 1960 û 70’yî de li herêma Dersîmê yek ji gundên herî pêşketî bû ku dibistana wê hebû.
Encamên Şer: Ji ber şer û koçberiya bi darê zorê, gund hat valakirin û dibistana dîrokî veguherî xirbeyekî ku tenê çend stûnên wê li ser piyan mane.
Armanca Projeyê: Avakirina Mala Çandê ne tenê avakirina xaniyekî ye; armanc ew e ku ew avahiya dîrokî li gorî forma xwe ya resen ji nû ve bê vejandin û bibe navendeke civakî.
Hunermendan Bi Deng û Awazên Xwe Şev Rengîn Kirin
Di beşa hunerî ya şevê de hestiyarî û coş li pêş bû:
Stran û Muzîk: Hunermendên navdar Hozan Serdar û Hozan Comerd derketin ser dikê. Her wiha Gulê Mayera û Mîrkan Mazgirt bi ezgiyên xwe yên kurdî bandoreke kûr li ser beşdaran hîştin.
Helbest: Guner Gungor bi xwendina helbestên xwe demên hîstiyar dan jiyîn.
Govend: Şev bi performansa dawil û zurnayê ya Husên û Bulent bi coşeke mezin û bi gerandina govendê bi dawî bû.
Beşdarên çalakiyê destnîşan kirin ku ev proje ji bo xwedîderketina li mîrasa kal û pîran û veguhastina vê çandê ji bo zarokên wan, gava herî girîng e.
/Çavkanî: Pîrha/
