NÛPEL – Di çarçoveya Koma K’yê ya Kûpaya Cîhanê ya FIFA 2026’an de, Îngiltereyê di maça ku li hember Hirvatistanê lîst de bi encama 4-2 serkeftî bû.
Îngiltereyê bi awayekî kontrolkirî dest bi maçê kir û di deqîqeya 9’an de penaltî qezenc kir. Kane, penaltiya ku hat dubarekirin veguherand golê û tîma xwe 1-0 xist pêş. Piştî golê, Îngiltereyê lîstikeke rasterast li nîvê sehayê ya dijber da destpêkirin û bi êrîşên bi bandor kontrola lîstikê berneda. Hirvatistanê hewl da ku topê zûtir bigihîne derdora qada ceza ya Îngiltereyê û di deqîqeya 36’an de gola ku lê digeriya dît. Îngiltereyê bi gola bi serê Kane ya di deqîqeya 42’an de dîsa ket pêş, lê çend saniyeyan beriya dawiya nîveka yekem, bi gola Musa ya Hirvatistanê re tîman bi encama 2-2 çûn navberê.
Îngiltereyê nîveka duyemîn bi golê dest pê kir. Di deqîqeya 47’an de bi gola Bellingham skor kir 3-2 û piştî deqîqeyekê derfeteke zelal ji dest da. Îngiltereyiyan ku ji deqîqeya 55’an ve 2 deqîqeyan qada Hirvatistanê xistin bin dorpêçê û gelek derfetên metirsîdar çêkirin, di deqîqeyên dawî yên maçê de bi gola Rashford re encam kirin 4-2.
Hûrgiliyên Golan:
Deqîqeya 12 (1-0): Piştî ku derbeya kuncê ya Rice hate avêtin, Modric xwest topê dûr bixe lê di navbera wî û Madueke de têkilî çêbû û hakem penaltî da. Kane penaltiyê bi cara duyemîn bi serkeftî avêt.
Deqîqeya 36 (1-1): Piştî pasiya Vuskovic, Sucic top ji aliyê rastê ve şand derve û Baturina bi lêdaneke rasterast topê şand toran.
Deqîqeya 42 (2-1): Di derbeya kuncê ya Rice de, Kane bi serê xwe top şand nav toran.
Deqîqeya 45+5 (2-2): Pasalic top avêt qada ceza, Perisic bi serê xwe da Musa û wî jî bi lêdaneke xweş encam 2-2 kir.
Deqîqeya 47 (3-2): Anderson ji nîvê sehayê pas da Bellingham, wî jî ji aliyê rastê ve ket qada ceza û bi şuteke rast top li stûna dûr xist û ket golê.
Deqîqeya 85 (4-2): Piştî valahiyek di berevaniya Hirvatistanê de, Saka top da Rashford û wî jî bi şuteke plase top şand toran.
Bi vî awayî, Îngiltereyê bi encama 4-2 ji qadê serkeftî veqetiya.
