🔴MEXMÛR (Nûpel) – Li Wargeha Penaberan a Şehîd Rustem Cûdî (Mexmûr), çalakiyên “18’emîn Mîhrîcana Çand û Sporê ya 4’ê Nîsanê” ku her sal bi boneya rojbûna Rêberê PKK’ê Abdullah Ocalan tê lidarxistin, di roja xwe ya duyem de bi pêşbaziyên werzîşî berdewam kir.
Bi Rêzgirtinê Destpê Kir
Bernameya roja duyem, îro serê sibehê li Sahaya 4’ê Nîsanê bi deqeyek rêzgirtin ji bo bîranîna şehîdên doza azadiyê destpê kir. Piştî rêzgirtinê, di navbera xwendekarên astên seretayî, navîn û amadeyî de pêşbaziyên cuda û bi heyecan hatin lidarxistin.
Pêşbaziyên Sporê û Xelatdayîn
Di mîhrîcanê de xwendekar di gelek şaxên sporê de bûn hevrikên hev:
Beza Maratonê
Beza 100 û 400 metreyî
Pêşbaziya Bisiklêtê
Bilindavêtin û Dirêjavêtin
Piştî bidofahiya pêşbaziyan, merasîma xelatdayînê hat lidarxistin. Ew xwendekarên ku di qadên xwe de bûn yekemîn, duyemîn û sêyemîn, bi xelatên curbecur hatin rûmetdarkirin.
Bernameya Sibe: Çandina Daran û Şahî
Tê payîn ku mîhrîcan sibe danê sibehê bi çalakiyên jîngehparêziyê û çandî bi dawî bibe. Li gorî agahiyan, wê sibe dar werin çandin û bi şahiyeke girseyî mîhrîcan bigihîje lûtkeya xwe.
/Çavkanî: Rojnews)
