🔴Serokê YNKê Bafil Celal Talebanî, êrişa li dijî mala Serokê Herêma Kurdistanê şermezar kir û daxwaza lêpirsîneke hevpar kir ji bo dîtina tawanbaran.
NÛPEL – Serokê Yekîtiya Niştimanî ya Kurdistanê (YNK) Bafil Celal Talebanî, derbarê êrişa ku li Dihokê hatibû kirin ser mala Serokê Herêma Kurdistanê Nêçîrvan Barzanî, daxuyaniyeke tund belav kir. Talebanî diyar kir ku ev kiryar rasterast aramiya herêmê dike hedef.
“Gef e li ser aramiya Kurdistanê”
Bafil Talebanî di peyama xwe de bal kişand ser metirsiya van cure êrişan û got:
“Kiryarên bi vî rengî bi ti awayî nayên qebûlkirin. Ev êriş ji bo ewlehî û aramiya Herêma Kurdistanê gefeke mezin in.”
Banga ji bo lêpirsîna hevpar
Talebanî daxwaz kir ku saziyên peywendîdar bi hevahengî tevbigerin da ku kujer an jî berpirsên vê bûyerê werin girtin. Xalên sereke yên daxuyaniya wî wiha ne:
Lêpirsîn: Divê komîteyeke hevpar ji bo tespîtkirina kiryarên bûyerê were avakirin.
Dadwerî: Talebanî daxwaz kir ku tawanbar bê guman werin darizandin.
Piştgirî: Serokê YNKê amadehiya partiya xwe nîşan da ku di her qonaxekê de piştgiriyê bidin pêvajoya lêkolînê.
“Divê rê li ber aloziyan were girtin”
Di dawiya daxuyaniya xwe de, Bafil Talebanî bang li hemû aliyên siyasî û hêzên herêmî kir ku bi berpirsyarî tevbigerin. Talebanî destnîşan kir ku di vê serdemê de ya herî girîng parastina aramiyê ye û divê rê neyê dayîn ku tu kes alozî û fitneyan di navbera aliyan de zêde bike.
/rd/
