🔴NÛPEL – Rêberê tevgera Hûsiyan a li Yemenê, Ebdulmelik el-Hûsî, bi daxuyaniyeke vîdyoyî ragihand ku ew di eniya Îranê de cih digirin û bi fermî li dijî Îsraîl û Dewletên Yekbûyî yên Amerîkayê (DYA) şer îlan dikin.
El-Hûsî di peyama xwe de bal kişand ser hevkariya xwe ya bi Tehranê re û diyar kir ku ew ê di vê pêvajoyê de “înîsiyatîfê” bigirin destê xwe.
“Em ê Tu Carî Dudil Neberjin”
Rêberê Hûsiyan di daxuyaniya xwe de bi tundî êrîşî polîtîkayên Rojava û Îsraîlê kir û wiha got:
“Di şerê li dijî DYA û Îsraîlê de, wekî serdemên berê, bi baweriyeke tam a bi Xwedê, em ê li gel Îranê cih bigirin û înîsiyatîfê wergrin. Ez radigihînim ku em ê di pêkanîna wezîfeya xwe ya cîhadê de, li dijî zalimên serdema me, Cihûyên Siyonîst û milê wan ê Amerîkî, tu carî dudil nebin.”
/Çavkanî: MA/
