🔴Li Çewlîgê Newroz: Tevî Baranê Coş û Kelecaneke Mezin Hebû
ÇEWLÎG (Nûpel) – Li bajarê Çewlîgê, cejna Newrozê tevî barana dijwar jî bi beşdariya hezaran kesî û bi coşeke mezin hat pîrozkirin. Di bernameyê de daxwazên azadiyê û silavên hunermendên li xerîbiyê mohra xwe li qadê dan.
Enerjiya ciwanan mohra xwe li qadê xist
Di pîrozbahiyên îsal de hûrguliya herî balkişand, tevlîbûna zêde ya keç û xortên ciwan bû. Girseya li qadê, di asta enerjî û rêjeya tevlîbûnê de nîşan da ku gihîştiye yek ji astên herî bilind ên salên dawî. Di qada ku dîmenên rengîn lê çêbûn de, bi hezaran kesên ku guh nedan baranê, bi stranên hunermendan xurifîn.
Peyamên Siyasî: Bal Hat Kişandin Ser Azadiyê
Pîrozbahî bi axaftinên li ser navê komîteya amadekar ji aliyê Zekî Tanik ve dest pê kir. Piştre Hevserokê Bajarê Çewlîgê yê DEM Partiyê Sedat Ormangoren, Parlamenterê DEM Partiyê yê Çewlîgê Omer Faruk Hulaku û li ser navê aktîvîst Gulîstan Atasoy axivîn. Di axaftinan de Newroza gelê Kurd hat pîrozkirin û bi taybetî bal hat kişandin ser azadiya Rêberê PKKê Abdullah Ocalan. Her wiha, beşdarbûna dayika parlamenterê berê yê HDP’ê Îdrîs Balûken jî beşdarî Newroza Çewlîgê bû, ev jî bû sedema kêfxweşiyekê.
Ormangoren: “Zulm her çiqas mezin be, têkoşîna gel hîn mezintir e”
Hevserokê Bajarê Çewlîgê yê DEM Partiyê Sedat Ormangoren di bernameyê de axivî û bi Zazakî silav li gel kir û got “Hûn bi xêr hatin”. Ormangören di axaftina xwe de bal kişand ser aştî û demokrasiyê û ev îfade bikar anîn:
“Em îro ne tenê ji bo pîrozkirina Newrozê hatine cem hev. Em îro ji bo agirê Newrozê ku sembola aştî, biratî û demokrasiyê ye li vir in. Kawayê Hesinkar gava agirê Newrozê yê yekem pê xist, ne tenê li dijî zulmê sekinî; ji bo têkoşîn û civakîbûna vê gelî derba yekem li danyê xist. Zulm her çiqas mezin be, têkoşîna vê gelî hîn mezintir e.
Ew agirê ku Mazlum Dogan di sala 1982an de li zindanan bi sê darikên kibrîtê pê xist, îro bû sedem ku em vê qadê dagirin. Silav li Mazlum Dogan, Karasungur û Hayri Durmuşan be. Ev gel dê xwedî li wê reçeteya ku Birêz Ocalan ji bo çareseriya demokratîk pêşkêş kiriye derkeve. Êdî divê ne çek, lê dil biaxivin. Ev gel dê çavê xwe her tim li Edirneyê û guhê xwe jî li Îmraliyê be.”
Hulaku: “Ev agir îradeya gelê Kurd e”
Piştî Ormangoren, Parlamenterê Çewlîgê Omer Faruk Hulaku derket ser kursiyê û di axaftina xwe ya li ser têkoşîna hebûna gelê Kurd de wiha got:
“Gelê Çewlîgê yê hêja, jinên qedirbilind û ciwanên delal; em îro li vir ne tenê cejnekê pîroz dikin. Em berxwedan, nasname û zimanê hezar salan ê gelê Kurd silav dikin. Newroz, agirekî azadiyê ye ku li dijî înkar û asîmîlasyonê hatî dadan. Ev agirê ku di vê qadê de dişewite; îrade û rûmeta gelê Kurd e.
Dema em vê Newrozê pîroz dikin, di dilê me de xemgîniyeke kûr jî heye. Em yek ji pêşengên siyaseta Kurd Salih Muslim ku beriya demeke kurt jiyana xwe ji dest da, bi rêzdarî bi bîr tînin. Têkoşîna wî dê wekî beşek ji lêgerîna me ya azadiyê bidome. Her wiha di şexsê Birêz Abdullah Ocalan de, em silav li her kesê ku ji bo azadiyê berdêl daye dikin. Çiqas zext hebin jî, îradeya gel kî qet nayê tunekirin. Bihar dê teqez bê, gelê Kurd dê teqez bi ser bikeve!”
Piştî axaftinan, Gulistan Atasoy jî axaftineke silavkirinê kir û sekin û coşa biryardar a gelê Çewlîgê silav kir.
Agirê Newrozê Hulaku û Ormangoren pê xistin
Agirê Newrozê ku kêliya herî bi heyecan a bernameyê bû, ji aliyê Parlamenterê DEM Partiya yê Çewlîgê Omer Faruk Hulaku, Hevserokê Bajar Sedat Ormangoren û partiyan ve bi hev re hat pêxistin. Girseya ku li dora agir civiyan, bi çepik û dirûşman peyamên aştî û biratiyê dan.
Bi hunermendan re ziyafeta muzîkê
Di çarçoveya bernameya pîrozbahiyê de hunermendên derketin ser dikê, rastî eleqeyeke mezin a Çewlîgiyan hatin. Di çalakiyê de Xelîl Bayindir, Ulaş Kelaşîn, Ferdî Yalçin, İdris Bêrîtan û Işik Berfin derketin ser dikê. Govendên ku bi saetan bi stranên hunermendan hatin gerandin, tevî ku dijwariya baranê zêde bû jî qet nesekinîn.
“Newroza herî bi coş a salên dawî”
Beşdaran anîn ziman ku Newroza îsal li Çewlîgê yek ji pîrozbahiyên herî qelebalîg û bi motîvasyona herî bilind a demên dawî bû. Newroza Çewlîgê ku tevî barana zêde govend lê nesekinîn, wekî yek ji hevdîtinên herî bi coş û bi beşdariya herî zêde ya dîroka bajêr di bîranînan de cih girt.
Hunermendên Xerîbiyê û Hestiyariya li Qadê
Beşa muzîkê ya bernameyê bi hunermendên herêmî Ferdî Yalçın û Xelîl Bayindir dest pê kir. Piştre hunermend Ûlaş Kelaşîn ê ku ev 21 sal in li xerîbiyê dijî, derket ser dikê. Kelaşîn silavên hunermendên wekî Xelîl Xemgîn, Comerd, Şemdîn, Kawa, Seyîdxan, Diyar û Zozan gihandin gel, ku vê yekê di nav girseyê de atmosferekî pir bi hestiyar ava kir.
Ji Kalîforniyayê Heya Çewlîgê: Işik Berfîn
Yek ji navên ku herî zêde bal kişand, hunermenda ciwan a ji Dersîmê Işik Berfîn bû ku ji Kalîforniyaya Amerîkayê hatibû. Berfîn bi stranên xwe yên bi zaravayê kirmanckî (zazakî) dilê gel şa kir û bi taybetî ji aliyê ciwanan ve bi eleqeyeke mezin hat pêşwazîkirin.
Alayên Kurdistanê û Govend
Tevahiya pîrozbahiyê, ciwanan alayên Kurdistanê di destên xwe de bilind kirin û di bin baranê de bê navber govend gerandin. Bername, piştî derketina hunermendê herêmî Îdrîs Bêrîtan bi silav û coşa gel bi dawî bû.
