🔴AMED – Amadekariyên Newroza 2026’an a Amedê ku bi dirûşma “Newroza Azadî û Yekîtiya Demokratîk” dê bê pîrozkirin, bi guhertineke dawî ya bernameyê ket qonaxeke nû. Komîteya Amadekar a Newrozê, piştî bertekên gel, hunermend Zeynep Casalînî ji bernameyê derxistibû û şûnde lîsteya hunermendên nû eşkere kir.
Guhertina bi Bertekan Hat
Di daxuyaniyên pêşîn de hatibû ragihandin ku Zeynep Casalînî û Koma Agirê Jiyan dê derkevin ser dikê. Lê belê, cihgirtina Casalînî di nav gel û derdorên çandî de bû sedema nîqaşan û bertekan. Li ser vê yekê, Komîteya Amadekar guhertinek di bernameyê de kir û Casalînî ji lîsteyê derxist.
Hunermendên Newroza Amedê Eşkere Bûn
Li gorî bernameya nû ya ku ji bo Newroza Amedê hatî nûkirin, ligel koma navdar Agirê Jiyan, ev hunermend û kom dê bi gel re bin:
Alend Hazim
Zinar Sozdar
Dîlan & Erkan Top
Koma Govendê
Çav li Qada Newrozê ne
Ev guhertina deqîqeya dawî ya Komîteya Amadekar, di nav raya giştî de bûye mijara meraqê. Tê payîn ku Newroza îsal bi beşdariya sed hezaran kesî bibe qada daxwazên azadî û yekîtiya neteweyî. Ka ev guhertin dê çawa li qadê deng vede, dê roja pîrozbahiyê de diyar bibe.
