🔴Başbakanê Almanyayê Friedrich Merz diyar kir ku “Divê pergala dewletê ya Îranê neherife û li ser axa Îranê şerên wekaletê neyên meşandin.” Merz da zanîn ku wan ji bo “pergaleke aştiyê ya herêmî” ligel şirîkên xwe dest bi xebatê kiriye.
Merz bi gotina “Şerekî ku dawiya wî nayê ne di berjewendiya me de ye” ragihand ku ji bo avakirina aştiyê li Rojhilata Navîn, wan dest bi xebatên hevpar kiriye û pîvanên xwe yên ji bo aştiyê eşkere kirin.
Parastina Yekpareyiya Axê û Rîskên Ewlehiyê
Merz destnîşan kir ku ew armancên DYA û Îsraîlê yên wekî “bidofandina terora Îranê û bidanana bernameya wê ya nukleerî û mûşekî” parve dikin. Her wiha wî bal kişand ser ku “gelê Îranê xwedî maf e ku qedera xwe bi azadî diyar bike.”
Lê belê, Merz hişyarî da ku dirêjbûn û belavbûna şer “rîskan bi awayekî cidî zêde dike” û got: “Şerekî bêdawî ne di berjewendiya me de ye.”
Başbakanê Almanyayê bal kişand ser ku hilweşîna dewleta Îranê û meşandina şerên wekaletê li ser axa wê, dikare di warê ewlehî, dabînkirina enerjiyê û koçberiyê de encamên giran ji bo Ewropayê bîne.
Parametreyên Almanyayê ji bo Çareseriyê
Friedrich Merz pîvanên ku hikûmeta Alman ji bo bidofandina şer diyar kirine, bi vî awayî rêz kirin:
• Aştiya Herêmî: Pergaleke aştiyê ya herêmî ku ewlehî û hebûna hemû dewletan (di nav de Îsraîl û welatên Kendavê) garantî dike, bê avakirin.
• Bernameya Nukleerî: Bernameya nukleerî ya leşkerî û bernameya mûşekên balîstîk a Îranê, bi pêvajoyeke kontrolkirî bê bidofandin.
• Pêşîgirtina Çekan: Divê bê garantîkirin ku materyalên nukleerî yên Îranê negihîjin destê aktorên dervayî dewletê an welatên sêyemîn.
• Şerê Wekaletê: Divê Îran piştgiriya xwe ya ji bo torên terorê û hêzên wekîl bi dawî bike.
• Yekpareyiya Axê: Parastina yekpareyiya axa Îranê bingehîn e; divê Îran nebe qada şerên wekaletê.
• Saziyên Dewletê: Divê dewleta Îranê fonksiyona xwe biparêze; nîzama giştî û xizmetên bingehîn berdewam bikin. Divê aboriya Îranê neherife.
• Koçberî: Divê pêşiya tevgerên koçberiyê yên bêkontrol bê girtin.
• Saza û Alîkarî: Heke Îran van mercan bîne cih, divê cezayên li ser bên rakirin û alîkarî jê re bên kirin.
/Çavkanî: DW/
