🔴Nûpel – Serokwezîrê Îsraîlê Benjamin Netanyahu, bi boneya hatina Cejna Newrozê peyameke vîdeoyî weşand û Newroza gelê Îranê pîroz kir. Netanyahu di peyama xwe de bal kişand ser têkoşîna “ronahî û tarîtiyê” û hêviya azadiyê anî ziman.
“Ronahî Dê li Dijî Tarîtiyê Bi Ser Bikeve”
Netanyahu di peyama xwe de bi taybetî bangî “gelê wêrek ê Îranê” kir û destnîşan kir ku Newroz sembola serkeftina qenciyê ye. Serokwezîrê Îsraîlê got:
“Ev cejn baweriya kevnar a gelê Îranê nîşan dide ku dê ronahî li hemberî tarîtiyê û başî jî li hemberî xerabiyê bi ser bikeve.”
“Wateyeke Taybet a Vê Newrozê Heye”
Serokwezîr Netanyahu destnîşan kir ku Newroza îsal ji bo wan xwedî wateyeke cudatir e. Netanyahu daxwaz kir ku ev sal bibe destpêka guherîneke mezin û wiha pê de çû:
Hêviya Azadiyê: “Ez vê derfetê bi kar tînim û Newrozeke xweş ji we re dixwazim, bila îsal bibe sala azadiyê.”
Peyama Hevpar: Netanyahu bang li welatiyan kir ku vê cejnê bi malbat û hezkiriyên xwe re bi coş pîroz bikin.
Peyama bi Zimanê Farisî
Netanyahu peyama xwe bi daxwaza “destpêkeke nû û tijî hêvî” bi dawî kir. Serokwezîrê Îsraîlê di dawiya vîdeoyê de bi zimanê Farisî got: “Newroz pîroz, payende Îran” (Newroz pîroz be, Îran her bijî).
/Çavkanî: Rûdaw/
