🔴NAVENDA NÛÇEYAN – Wezareta Parastina Neteweyî (MSB) ragihand ku ji hêla NATOyê ve biryara “Zêdekirina tedbîrên parastina asmanî” hatiye girtin û diyar kir ku: “Di vê çarçoveyê de sîstemeke Patriot a ku hatiye wezîfedarkirin, li Meletiyê tê bicihkirin.”
Wezareta Parastina Neteweyî (MSB) ragihand ku NATOyê biryara zêdekirina tedbîrên parastina asmanî û bicihkirina Patriotan li Meletiyê daye.
Daxuyaniya MSByê bi vî rengî ye:
“Biryardariya Hêzên me yên Çekdar ên ji bo dabînkirina ewlehiya welat û welatiyên me tam e. Di çarçoveya geşedanên dawî yên li herêma me de, ji bo ewlehiya sînor û qada asmanî ya me tedbîrên pêwîst tên girtin û bi NATO û Muttefîkên me re şêwir tên kirin.
Li gel tedbîrên ku me di asta neteweyî de girtine, ji hêla NATOyê ve jî tedbîrên parastina asmanî û moşekî hatine zêdekirin. Di vê çarçoveyê de, ji bo piştgiriya parastina qada asmanî ya me, sîstemeke Patriot a ku hatiye wezîfedarkirin, li Meletiyê tê bicihkirin.
Welatê me yê ku kapasîteya xwe ya parastin û ewlehiyê di asta herî bilind de diparêze, dê di nava hevkarî û şêwirê de bi NATO û Muttefîkên xwe re nirxandina geşedanan bidomîne û ji bo aştî û aramiya herêmî hewl bide.”
