🔴MÊRDÎN (Nûpel) – Pîrozbahiyên Newrozê yên li navçeyên Qoser û Stewrê yên Mêrdînê, ku ji ber şert û mercên nebaş ên hewayê hatibûn rawestandin, dê di 17’ê Adarê de bên lidarxistin.
Ji Ber Baranê Taloqî Roja Yekşemê Bû
Li gorî agahiyên hatine bidestxistin, amadekariyên Newrozê yên li navçeyên Qoser û Stewrê qediyabûn û biryar bû ku pîrozbahî îro bên kirin. Lê belê ji ber barana zêde ya ku li herêmê bibandor e, bername hatin guhertin.
Ji bo ku welatî di şert û mercên baştir de cejna xwe pîroz bikin, komîteya amadekar biryar da ku pîrozbahî werin paşxistin.
Bernameya Nû: 17’ê Adarê
Dîroka nû ya pîrozbahiyan bi vî rengî hat diyarkirin:
Cih: Qoser û Stewr (Mêrdîn)
Dîroka Nû: 17’ê Adarê (Roja Yekşemê)
