🔴NAVENDA NÛÇEYAN (Nûpel) – Koordînatorê Rêxistinkirina Umut-Senê Başaran Aksu, bi hinceta ku talana holdingan a li Milasê eşkere kiriye û li dijî girtina gundiyên Akbelenê derketiye, hat girtin. Aksu di daxuyaniya xwe ya piştî girtinê de bal kişand ser rewşa darazê û peyamek tije biryardarî da.
Hinceta Girtinê Çi Ye?
Aksu, duh bi tohmetên “tehdarkirina gel ji bo kîn û dijminatiyê” û “belavkirina agahiyên xapînok” hatibû binçavkirin. Piştî karên li dozgeriyê, Aksu sewqî dadgehê hat kirin û biryara girtina wî hat dayîn.
Weke hinceta girtinê, ev parvekirina Aksu ya li ser medyaya civakî hat nîşandan:
“Bi telîmata Nihat Ozdemir girtina Esra Işık, asta herî bilind a daraza me ya serbixwe nîşan dide! Hemû gundiyên Akbelenê bigrin bêşermno! Kî li ber we mîlîmetreyekê bitewîne bila alçak be!”
“Holding Çi Bixwazin Daraz Wê Dike”
Başaran Aksu dema ku dihat girtin, bertek nîşanî biryara dadgehê da û got:
“Li Tirkiyeyê rewşa darazê ev e. Holding çi bixwazin, daraz wê dike.”
“Em ê xemgînkirina holdingan berdewam bikin!”
Bertekên Umut-Senê
Piştî girtina Aksu, ji aliyê Umut-Sen û parêzvanên mafên karkeran ve gelek bertek hatin nîşandan. Hat destnîşankirin ku ev girtin ne hiqûqî ye û armanc jê bêdengkirina dengê gundiyan û karkeran e ku li dijî talana xwezayê derdikevin.
