🔴Serokê Meclîsa Îranê Mihemed Baqir Kalîbaf diyar kir ku heta li Libnanê agirbest neyê ragihandin û malên Îranê yên dundurandî neyên berdan, ew ê dest bi tu muzakereyan nekin.
NÛPEL – Piştî êrîşên DY-Îsraîlê yên di 28’ê Sibatê de li ser Îranê dest pê kirin û agirbesta demkî ya ku di 8’ê Nîsanê de hatibû peydakirin, Serokê Meclîsa Îranê Mihemed Baqir Kalîbaf derbarê pêvajoya nû de daxuyaniyên girîng da. Kalîbaf destnîşan kir ku şertên Îranê yên ji bo agirbestê hîn nehatine cih û heta ev daxwaz neyên qebûlkirin, rûniştina li ser masê ne gengaz e.
Du Şertên Sereke: Libnan û Aborî
Kalîbaf di daxuyaniya xwe de bal kişand ser du xalên krîtîk ên ku wekî “pêşşert” têne dîtin:
Agirbesta li Libnanê: Divê êrîşên li ser Libnanê rawestin û agirbesteke mayînde bê mîsogerkirin.
Serbestberdana Malên Blokekirî: Divê sermayeya Îranê ya ku ji aliyê navneteweyî ve hatî dundurandin (blokekirin), beriya destpêkirina muzakereyan bê serbestberdan.
“Bêyî Van Şertan Muzakere Nabin”
Serokê Meclîsê Kalîbaf helwesta Tehranê bi van gotinan anî ziman:
“Di navbera aliyan de li ser du mijaran lihevhatin hebû lê ev her du xal hîn nehatine pêkanîn. Heta ku li Libnanê agirbest pêknêyê û malên Îranê yên hatine blokekirin neyên berdan, destpêkirina hevdîtinan ne mumkun e. Divê ev her du mesele beriya muzakereyan bêne çareserkirin.”
Ev daxuyaniya Kalîbaf nîşan dide ku her çend di 8’ê Nîsanê de agirbesteke demkî hatibe ragihandin jî, rageşiya li herêmê û krîza dîplomatîk hîn bi dawî nebûye. Pêvajoya ku bi êrîşên 28’ê Sibatê dest pê kiribû, niha li bendê ye ka wê aliyên rojavayî li hemberî van daxwazên Îranê gavan biavêjin yan na.
/Çavkanî: ÎlkeTV/
