🔴NÛPEL – Piştî ku muzakereyên di navbera Îran û Amerîkayê de bê encam man, rageşiya li Kendavê derket asteke nû. Parlamentoya Îranê biryareke radîkal girt û ragihand ku ji niha û pê ve hemû keştiyên neftê yên di Tengava Hurmuzê re derbas dibin, divê baca derbasbûnê bidin.
Keştiyên Mezin Dê 2 Milyon Dolar Bacê Bidin
Li gorî biryara Lijneya Ewlehiya Neteweyî ya Parlamentoya Îranê, sîstemeke nû ya çavdêriyê tê avakirin. Li gorî vê sîstemê:
Ji bo her bermîlek nefta ku di tengavê re derbas dibe, 1 dolar bac hat birîn.
Keştiyên tankeran ên mezin (VLCC) dê neçar bimînin ku ji bo her derbasbûnekê nêzî 2 milyon dolar bacê bidin xezîneya Îranê.
Keştiyên ku vê bacê nedin, dê destûra wan a derbasbûna ji avên herêmî neyê dayîn.
Wekî ‘Karta Zextê’ Tê Bikaranîn
Pisporên polîtîk destnîşan dikin ku Îran vê biryarê wekî bersivekê li dijî cezayên aborî yên Amerîkayê bi kar tîne. Tengava Hurmuzê, ku yek ji girîngtirîn xalên stratejîk ên cîhanê ye, rêya sereke ya veguhestina nefta Rojhilata Navîn e.
Bihayê Enerjiyê û Reaksiyona Amerîkayê
Tê pêşbînîkirin ku ev biryara Tehranê bibe sedema:
Bilindbûna bihayê neftê di bazarên navneteweyî de.
Kûrkirina krîza dîplomatîk di navbera Washington û Tehranê de.
/Çavkanî: Rojnews/
