🔴NAVENDA NÛÇEYAN – Hiqûqnasê ciwan ê 31 salî Abuzer Erdogan ku bi eslê xwe ji gundê Kantarma yê Elbistana Mereşê ye, di hilbijartinên şaredariyê yên bajarê Rosenheim ê Almanyayê de serkeftineke mezin bi dest xist.
Di hilbijartinên herêmî yên ku li bajarê Rosenheim ê eyaleta Bavyerayê hatin lidarxistin de, namzedê Partiya Sosyal Demokrat (SPD) Abuzer Erdogan, bi wergirtina %53,4ê dengan weke Şaredarê Nû yê Rosenheimê hat hilbijartin.
Serkeftineke Dîrokî ji bo SPDê
Bajarê Rosenheimê ku nifûsa wê nêzî 65 hezar kes e, bi salan e wek keleha partiyên muhafezekar (CDU/CSU) dihat naskirin. Serkeftina Erdogan a di bin banê SPDê de, di nav partiyê de bû sedema kêfxweşiyeke mezin û wek “moraleke girîng” hat pênasekirin.
Abuzer Erdogan Kî Ye?
Jidayîkbûn: Li bajarê Rosenheimê ji dayîk bûye.
Reh û Kok: Malbata wî ji gundê Kantarma yê navçeya Elbistan a Mereşê ye.
Perwerde: Beşa Hiqûqê li Zanîngeha Ludwig Maximilian a Munîhê (LMU) qedandiye.
Temen: 31 salî ye.
Ev serkeftina Erdogan di nav civaka kurd û nîştecihên bi eslê xwe biyanî yên li Almanyayê de deng veda û wek mînaka serkeftina ciwanan a di qada siyasî de hat dîtin.
