🔴NAVENDA NÛÇEYAN – Li parêzgeha Enbarê ya Îraqê, baregeheke Heşdî Şebiyê rastî bombebaranê hat. Di encama vê êrişê de kuştî û birîndar hene.
Hûrguliyên Êrişê
Li gorî agahiyên ku Desteya Heşdî Şebiyê belav kirine, êriş îro piştî nîvro li nêzîkî qezaya Rutbeyê ya ser bi parêzgeha Enbarê ve pêk hatiye. Di vê bombebaranê de Lîwaya 17an a hêzên Heşdî Şebiyê rasterast hate hedefgirtin.
Hejmara Mirî û Birîndaran
Di daxuyaniya fermî ya Heşdî Şebiyê de hat diyarkirin ku di encama vê êrişa hewayî de:
2 çekdar jiyana xwe ji dest dane.
4 çekdar jî birîndar bûne.
Tomebarkirina Amerîka û Îsraîlê
Heşdî Şebî di daxuyaniya xwe de tiliya tawanê dirêjî derve kir û bi eşkerî ragihand ku ev êriş ji aliyê Amerîka û Îsraîlê ve hatiye encamdan. Heya niha ji aliyê berpirsên Amerîkî an jî Îsraîlî ve derbarê vê bûyerê de tu daxuyaniyên fermî nehatine dayîn.
