🔴Di êrîşên hewayî yên artêşa Îsraîlê yên li ser paytexta Libnanê Beyrûtê de, helbestvana naskirî Xatûn Selma û hevjînê wê jiyana xwe ji dest dan.
🔴NÛPEL – Di çarçoveya operasyonên ku artêşa Îsraîlê di 2’yê Adarê de li dijî Hizbullahê dabû destpêkirin de, êrîşên dijwar berdewam dikin. Li gorî agahiyên hatine ragihandin, di êrîşên 8’ê Nîsanê de ku taxên sivîl hatin hedefgirtin, şaira libnanî Xatûn Selma û hevjînê wê Muhammed Krişt di bin enkazê de man û jiyana xwe ji dest dan.
Enkaz û Wendayiyên Sivîl
Rêveberê Giştî yê Weşanxaneya El-Jedid, Raşa el-Emîr, ku weşandina pirtûkên Selmayê dikir, piştrast kir ku cenazeyên şair û hevjînê wê ji bin kavilên xaniyê wan ê li taxa Tallet el-Hayyat hatine derxistin. Tevî ku Îsraîl îdîa dike ku hedefên leşkerî li dar dixe, çavkaniyên leşkerî yên Libnanê ji ajansa AFP’ê re ragihandin ku piranîya kesên di van êrîşan de dimirin sivîl in.
Xatûn Selma Kî Bû?
Xatûn Selma, ku li Zanîngeha Amerîkî ya Beyrûtê perwerdehiya Ziman û Wêjeya Erebî dîtibû, di salên 1970’yî de bi serkeftina xwe ya di pêşbirka helbestan a televîzyonê de hatibû naskirin. Berhemên wê yên girîng ev in:
2009: “Min Jineke ku Li Bendê Bû Hemêz Kir” (Bekleyen Bir Kadına Sarıldım)
2012: “Niştecihên Dawî yên Heyvê” (Ayın Son Sakinleri)
Selma di helbestên xwe de bêtir cih dida mijarên tesewif û sofîzmê.
Bertekên Hunermend û Nivîskaran
Mirina şairê di nav derdorên hunerî û wêjeyî de bû sedema xemgîniyeke mezin:
Yahya Cabir (Derhênerê Şanoyê): “Duh êrîşeke ji asîmên hatî, jiyana şaira erebiya nazik ji me stand.”
Meha Selma (Pêşkêşvana TV): Bi peyamekê li ser medyaya civakî xemgîniya xwe anî ziman û got: “Xwişka min a hêja, Xwedê rehma xwe lê bike.”
Majda Daghir (Helbestvan): Bal kişand ser bandora wêranker a şer a li ser sivîlan û diyar kir ku windakirina Selmayê birineke kûr e ji bo wêjeya Libnanê.
