🔴Nûpel – Di qonaxa 16’an a Lîga Şampiyonan de kelecaneke bêhempa hebû. Sporting bi vegera xwe ya “dîrokî” mohra xwe li şevê xist, dema ku Real Madrid û Arsenalê bilêta çaryek fînalê birîn. Chelsea jî bi encameke giran xatir xwest.
Sporting Destanek Nivîsand: Ji 3-0 Vegeriya 5-0
Bûyera herî mezin a şevê li Portekizê pêk hat. Sporting, piştî ku maça yekem li hemberî tîma Norwêcî Bodo/Glimt 3-0 winda kiribû, di maça duyem de miruzê xwe guhart. 90 deqîqeyên maçê bi serkeftina 3-0 ya Sportingê bi dawî bû û ji ber wekheviya skora giştî, maç çû deqîqeyên zêde.
92. Deqîqe: Maximiliano Araujo skor kir 4-0.
120+1. Deqîqe: Rafael Nel bi gola xwe ya dawî Sporting gihand çaryek fînalê: 5-0.
Arsenal bi Rehetî Derbas Bû
Li Londonê, Arsenal mazuvantiya tîma Alman Bayer Leverkusen kir. Arsenalê bi lîstikeke bi bandor û baskî rehet lîst û bi golên Eze û Rice 2-0 serkeftina xwe ragihand. Bi vê encamê, Arsenal di çaryek fînalê de bû reqîbê Sportingê.
Ji bo Chelsea Şeva Kabûsê: Rekora Negatîf
Klûba Îngilîz Chelsea, li hemberî dêwa Fransî Paris Saint-Germain (PSG) tûşî şikestineke giran hat. Chelsea di maça duyem de 3-0 winda kir û bi skora giştî ya her du maçan (8-2) ji lîgê xatir xwest. Ev encam wekî girtirîn şikestina dîroka Chelsea ya di qonaxên elemaneyê yên Ewropayê de derbasî qeydan bû.
Real Madrid li Îngilîstanê jî bi Ser Ket
Real Madrid, piştî ku maça yekem li malê 3-0 biribû, li Îngilîstanê jî li hemberî Manchester City serî netewand. Her çend Manchester City bi dehan deqîqeyan kesek kêm lîstibe jî, nekarî derfetan bi kar bîne. Stêrkê Brezîlyayî Vinicius Jr. di deqîqeya 90+3’an de gola dawî avêt û Real Madrid bi serkeftina 2-1 navê xwe nivîsand çaryek fînalê.
