🔴DERSÎM (Nûpel) – Beser Şahine û Gokçe Selim, Newrozê 2026î de Meydanê Sey Rîzayî yê Dersîmî de vejîyayî sehne û bîyî şerîkê coşê şarî. Hunermendan vat ke Newroz şaranê Kurd û Rojhelatê Mîyanênî rê sembolê umîd û paştdayîşî yo.
Meydanê Sey Rîzayî Newrozê 2026î de bi hezaran kesî ardî pêser. Meydan bi kincanê rengînan, kayanê ciwanan û şahîya domanan pîr bi. Beser Şahine ke badê serranê dergan ameye Dersîm, na coş de hestê xo pare kerdî. Gokçe Selim zî ke cara verêne ameye Dersîm û vejîyaye sehne, heyecan û şahîya xo va û manaya Newrozî şirove kerde.
“ŞARÊ DERSÎMÎ SEBA AŞTÎ Û AZADÎYE ADIRÊ NEWROZÎ TA DA”
Şahine vate: “Hardê Dersîmî ra, hardê Dewreşan ra her kesî rê silawî. Îro roja bîyayîş û xoverdayîşî ya. Ma Meydanê Sey Rîzayî de ameyî pêser. Îta seba aştî û azadîye adirê Newrozî ame ta dayene. Serranê dergan ra dime Dêrsim de bîyayîş mi rê zaf weş û biqîmet o.”
“NEWROZ SEBA ŞARAN AZADÎ Û HÊVÎ YO”
Şahine nêzdîyê qiseyanê xo de va: “Newroz murekeyê tewr girîng ê şarê Kurd û şaranê Rojhelatê Mîyanênî yo. Ma umîd kenê ke adirê Newrozî yo ke ma erdê pîroz ê Dersîmî de ta da, seba her çar perçeyanê Kurdistante azadî û aştî bîyaro.”
“CARA VERÊNE DERSÎM DE SEHNE DE BÎYAYÎŞ HEYECAN DA MI”
Gokçe Selim zî va ke sey koma Siya Şevê cara verêna ke Dêrsim de vejîyenê sehne û şahîya xo nîşan da: “Ma cara verêna ke yenê Dersîm. Sey Siya Şevê ma programê Newrozî de vejîyayî sehne. Seba ma şahîyêka pîle bî. Newrozê Dersîmî bi heyecan û coşê xo yo xisûsî ame fîraz kerdene.”
/Çavkanî: Pîrha/
