🔴 NÛÇEYÊN CÎHANÊ (Nûpel) – Serokê DYAyê Donald Trump ragihand ku hêzên Amerîkayê armancên leşkerî yên Îranê yên li Grava Hargê ku li perava başûrê rojavayê Îranê ye “tune kirine”. Trump her wiha hişyarî da ku dibe ku hedefa din binesaziya petrolê ya li wê derê be.
Nûçegihanê El Cezîre yê Tehranê ragihand ku piştî xwepêşandana li navenda Tehranê —ku bi hezaran kes ji bo piştgiriya Filîstîniyan û li dijî êrîşên DYA û Îsraîlê li hev civiyabûn— “teqînên mezin” pêk hatine.
Bîlançoya Şer û Geşedanên Dawî
Miriyên li Îranê: Ji 28ê Sibatê, yanî ji destpêka şer û vir ve, di êrîşên hevpar ên DYA û Îsraîlê de nêzî 1450 kesî jiyana xwe ji dest dane.
Êrîşa li ser Navenda Tenduristiyê: Di êrîşa Îsraîlê ya li ser navendeke tenduristiyê ya li başûrê Libnanê de 12 xebatkarên tenduristiyê hatin kuştin.
Hejmara Giştî ya Miriyan: Bi êrîşên Îsraîlê re hejmara miriyan derket 773 kesan ku 103 ji wan zarok in.
Rewşa li Kendavê: Piştî berdewamiya êrîşên mûşekî û firokeyên bêmirov (SÎHA) yên Îranê, welatên herêma Kendavê, di nav de Keter û Behreyn, hişyariyên valakirinê (tehliye) belav kirin.
