🔴Piştî ku tîma Iraqê di lîstika dawî ya play-offê de bi ser ket, lîsteya hemû welatên ku dê beşdarî Kupa Cîhanê ya 2026an bibin eşkere bû. Di turnuvayê de ku cara yekem bi 48 tîman tê lîstin, Tirkiye jî di nav de ye.
NÛPEL – Pêvajoya kalîfîkasyonê ya ji bo Kupa Cîhanê ya 2026an, ku dê li Dewletên Yekbûyî yên Amerîkayê (DYA), Kanada û Meksîkayê bibe mêvan, bi dawî bû. Di 1ê Nîsanê de tîma neteweyî ya Iraqê, di maça play-offê ya navparzemînî de Bolîvya 2-1 têk bir û bû 48emîn tîma ku bilêta fînalê bi dest xist.
Bi temambûna lîsteya tîman, tê payîn ku hemû geştên balafirên ber bi Amerîkaya Bakur ve ji bo havîna 2026an bên firotin.
Cara Yekem 48 Tîm û 104 Maç
Zêdebûna hejmara tîman ji 32yan bo 48an, derî ji gelek welatên nû re vekir. Di vê çarçoveyê de, çar welat dê cara yekem di dîroka xwe de tama Kupa Cîhanê bistînin:
Urdun û Ozbekistan (Asya)
Curaçao (CONCACAF)
Yeşil Burun Adaları (Cabo Verde) (Afrîka)
Belavbûna Tîman Li Gorî Parzemînan
Lîsteya fermî ya tîmên ku dê di fînalan de cih bigirin wiha ye:
UEFA (Ewropa – 16 tîm): Tirkiye, Elmanya, Fransa, Îngiltere, Portekiz, Îspanya, Hollanda, Belçîka, Awisturya, Bosna Hersek, Xirwatistan, Komara Çek, Norwêc, Skotlanda, Swêd, Swîsre.
AFC (Asya – 9 tîm): Awistralya, Îran, Iraq, Japonya, Urdun, Korêya Başûr, Erebistana Siûdî, Qatar, Ozbekistan.
CAF (Afrîka – 10 tîm): Cezayir, Fîldîşî Sahîlî, Cabo Verde, Kongo, Misir, Gana, Fas, Afrîkaya Başûr, Senegal, Tunis.
CONMEBOL (Amerîkaya Başûr – 6 tîm): Arjentîn, Brezîlya, Kolombiya, Ekvador, Paraguay, Uruguay.
CONCACAF (Amerîkaya Bakur û Navîn – 6 tîm): DYA, Kanada, Meksîka (mêvandar), Curaçao, Haiti, Panama.
OFC (Okyanûsya – 1 tîm): Zelanda Nû.
Kêmasiya Mezin: Îtalya
Yek ji sosretên herî mezin a vê dewrê dîsa Îtalya bû. Tîma şîn a ku xwediyê çar kupayên cîhanê ye, nekarî di nav 48 tîman de cih bigire û bû tîma herî mezin ku li derveyî turnuvayê ma.
Dîrokên Turnuvayê
Kupa Cîhanê ya 2026an dê di navbera 11ê Hezîranê û 19ê Tîrmehê de were lîstin. Bi giştî dê 104 maç bên kirin û cîhana futbolê niha bi meraq li benda destpêkirina vê şahiya mezin a li Amerîkaya Bakur e.
